ಚೆನ್ನೈ: ಕೊಲೆಗಿಂತ ಮ್ಯಾಚ್ ಫಿಕ್ಸಿಂಗ್ ದೊಡ್ಡ ಅಪರಾಧ ಎಂದು ಟೀಂ ಇಂಡಿಯಾದ ಮಾಜಿ ನಾಯಕ, ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಎಂಎಸ್ ಧೋನಿ ಅಭಿಪ್ರಾಯಪಟ್ಟಿದ್ದಾರೆ.
ಸಾಕ್ಷ್ಯಾ ಚಿತ್ರವೊಂದರಲ್ಲಿ ಮಾತನಾಡಿರುವ ಎಂಎಸ್ ಧೋನಿ, ಈ ರೀತಿ ಅಭಿಪ್ರಾಯ ವ್ಯಕ್ತಪಡಿಸಿದ್ದು ಒಂದು ದೊಡ್ಡ ಅಪರಾಧ ನಾನು ಮಾಡಬಹುದಾದರೆ ಅದು ಕೊಲೆ ಅಲ್ಲ, ಬದಲಾಗಿ ಮ್ಯಾಚ್ ಫಿಕ್ಸಿಂಗ್ ಎಂದು ಹೇಳಿದ್ದಾರೆ.
ಎಂಎಸ್ ಧೋನಿ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕರಾಗಿದ್ದಾಗಲೇ ಮ್ಯಾಚ್ ಫಿಕ್ಸಿಂಗ್ ಆದ ಆರೋಪ ಕೇಳಿ ಬಂದಿತ್ತು. ಇದರಿಂದಾಗಿ ತಂಡವನ್ನು ಎರಡು ವರ್ಷಗಳ ಬ್ಯಾನ್ ಮಾಡಲಾಗಿತ್ತು.
ಮ್ಯಾಚ್ ಫಿಕ್ಸಿಂಗ್ ಆರೋಪ ನನ್ನ ಬದುಕಿನಲ್ಲಿ ಅನುಭವಿಸಿದ ಕರಾಳ ನೆನಪು. ತಂಡಕ್ಕೆ ಅದು ಸಹಿಸಲು ಅಸಾಧ್ಯವಾದ ನೋವು ತಂದಿತ್ತು. ನಾನೂ ಕೂಡ ಆರೋಪಿ ಸ್ಥಾನದಲ್ಲಿ ನಿಂತಿದ್ದೆ. ವಾಪಸ್ ತಂಡಕ್ಕೆ ಮರಳಿರುವುದು ಒಂದು ಭಾವುಕ ಕ್ಷಣವನ್ನು ಹುಟ್ಟು ಹಾಕಿತ್ತು ಎಂದರು.
ಸಾಕ್ಷ್ಯಾ ಚಿತ್ರದ 45 ಸೆಕೆಂಡ್ ಗಳ ಟ್ರೈಲರ್ ನಲ್ಲಿ ಧೋನಿ ಈ ಮಾತನ್ನು ಹೇಳಿದ್ದಾರೆ. ಈ ಸಾಕ್ಷ್ಯಾ ಚಿತ್ರವು ಮೇ 20ರಂದು ಬಿಡುಗಡೆಯಾಗಲಿದೆ.