ಮುಂಬೈ ಇಂಡಿಯನ್ಸ್ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ 1 ರನ್ ನಿಂದ ಪರಾಭವಗೊಂಡು ಚಾಂಪಿಯನ್ ಪಟ್ಟ ಕಳೆದುಕೊಂಡಿತು. ಆದರೆ ಅಸಲಿಗೆ ತಂಡದಲ್ಲಿ ಅನವಶ್ಯಕ ರನ್ ತೆಗೆದುಕೊಳ್ಳಲು ಹೋಗಿ ರನೌಟ್ ಆಗಿದ್ದೆ ತಂಡದ ಸೋಲಿಗೆ ಪ್ರಮುಖ ಕಾರಣವಾಗಿದೆ.
ಹೈದರಾಬಾದ್ ನಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ನಾಲ್ಕನೇ ಬಾರಿಗೆ ಟ್ರೋಫಿ ಗೆದ್ದು ಇತಿಹಾಸ ನಿರ್ಮಿಸಿದೆ. ಈ ಮಧ್ಯೆ ಸುಲಭವಾಗಿ ಗೆಲ್ಲುವ ಅವಕಾಶವಿದ್ದರೂ ಸಹ ಚೆನ್ನೈ ತಂಡ ಅನವಶ್ಯಕ ರನ್ ಗಳನ್ನು ಕಸಿಯಲು ಹೋಗಿ ರನೌಟ್ ಆಗಿದೆ. ಹೌದು 80 ರನ್ ಪೇರಿಸಿ ಸ್ಫೋಟಕ ಬ್ಯಾಟಿಂಗ್ ಮಾಡುತ್ತಿದ್ದ ಶೇನ್ ವಾಟ್ಸನ್ ವಿನಾಕಾರಣ ರನ್ ತೆಗೆದುಕೊಳ್ಳಲು ಹೋಗಿ ಪಂದ್ಯದ ಕೊನೆಯಲ್ಲಿ ರನೌಟ್ ಆದರು.
ಇದಕ್ಕೂ ಮುನ್ನ ಚೆನ್ನೈ ತಂಡ 3 ವಿಕೆಟ್ ಕಳೆದುಕೊಂಡಿದ್ದಾಗ ಬ್ಯಾಟ್ ಮಾಡುತ್ತಿದ್ದ ಎಂಎಸ್ ಧೋನಿ 2 ರನ್ ಬಾರಿಸಿದ್ದಾಗ ಬೇಡವಾಗಿದ್ದ ರನ್ ತೆಗೆದುಕೊಳ್ಳಲು ಹೋಗಿ ಇಶನ್ ಕಿಶನ್ ಅವರ ಅದ್ಭುತ ರನೌಟ್ ನಿಂದ ಔಟ್ ಆದರು. ಆದರೆ ಧೋನಿಯ ರನೌಟ್? ಕುರಿತು ಅನುಮಾನಗಳು ಮೂಡಿವೆ. ಒಟ್ಟಿನಲ್ಲಿ ಕೆಲವೊಂದು ತೀರ್ಮಾನಗಳು ಪಂದ್ಯದ ಗತಿಯನ್ನೇ ಬದಲಿಸುತ್ತವೆ ಎಂಬುದಕ್ಕೆ ಈ ಪಂದ್ಯ ಕಾರಣ.