ನವದೆಹಲಿ: ವಿಶ್ವಕಪ್ ಕ್ರಿಕೆಟ್ ಮಹಾಸಮರ ಶುರುವಾಗಿದೆ. ಅಂತೆ ಪಂದ್ಯದ ಪ್ರತಿಯೊಂದು ಸೆಕೆಂಡ್ ಸಹ ಲಕ್ಷಗಟ್ಟಲೆ ಬೆಲೆ ಬಾಳುತ್ತದೆ. ಹೌದು, 1 ಸೆಕೆಂಡ್ ಜಾಹಿರಾತು ದರ ಬರೋಬ್ಬರಿ 2 ಲಕ್ಷ ರುಪಾಯಿ.

ಸ್ಟಾರ್ ಇಂಡಿಯಾ 8 ವರ್ಷಕ್ಕೆ 12 ಸಾವಿರ ಕೋಟಿ ರುಪಾಯಿ ನೀಡಿ ಸ್ಯಾಟ್ ಲೈಟ್ ಹಕ್ಕನ್ನು ಪಡೆದಿದೆ. ಇನ್ನು ವಿಶ್ವಕಪ್ ಟೂರ್ನಿ ಮೂಲಕ ಭರ್ಜರಿ ಹಣ ಬಾಚಿಕೊಳ್ಳಲು ಪ್ರತಿ ಸೆಕೆಂಡ್ ಜಾಹಿರಾತಿಗೆ 1.7 ಲಕ್ಷದಿಂದ 2 ಲಕ್ಷ ರೂ. ದರ ನಗದಿ ಪಡಿಸಿದೆ. ಇನ್ನು ಇದು ಟೀಂ ಇಂಡಿಯಾ ಮೇಲೆ ನಡೆಯುವ ಪಂದ್ಯಗಳಿಗೆ ಮಾತ್ರ ಈ ದರ.

ಓವರ್ ಮುಕ್ತಾಯದ ಜಾಹಿರಾತು ಪ್ರಸಾರ ಮಾಡಲಾಗುತ್ತದೆ. ರನ್ ಆಫ್ ಶೆಡ್ಯೂಲ್(ಆರ್ಒಎಸ್) ವೇಳೆ 10 ಸೆಕೆಂಡ್ ಜಾಹಿರಾತಿಗೆ 17 ಲಕ್ಷದಿಂದ 20 ಲಕ್ಷದವರೆಗೂ ದರ ವಿಧಿಸಲಾಗಿದೆ. ಟೀಂ ಇಂಡಿಯಾ ಹೊರತುಪಡಿಸಿ ಇನ್ನಿತರ ಪಂದ್ಯಗಳಿಗೆ 6 ಲಕ್ಷದಿಂದ 7 ಲಕ್ಷದವರೆಗೆ ಸ್ಲಾಟ್ ದರವಿದೆ.