ಭಾರತದ ಎಡಗೈ ಸ್ಪಿನ್ನರ್ ಪ್ರಜ್ಞಾನ್ ಓಜಾ ಎಲ್ಲಾ ಮಾದರಿಯ ಕ್ರಿಕೆಟ್ನಿಂದ ನಿವೃತ್ತಿ ಘೋಷಿಸಿದ್ದಾರೆ. ನವೆಂಬರ್ 2018 ರಲ್ಲಿ ಬಿಹಾರದ ಪ್ರಥಮ ದರ್ಜೆ ಪಂದ್ಯ ಓಜಾ ಅವರ ಕೊನೆಯ ಪಂದ್ಯವಾಗಿತ್ತು. 33 ರ ಹರೆಯದ ಓಜಾ ಪ್ರಥಮ ದರ್ಜೆಕ್ರಿಕೆಟ್ ನಲ್ಲಿ ಹೈದರಾಬಾದ್ ಮತ್ತು ಬಂಗಾಳ ಪರ ಆಡಿದ್ದಾರೆ.
ಓಜಾ 2008 ರಲ್ಲಿ ಬಾಂಗ್ಲಾದೇಶ ವಿರುದ್ಧದ ಏಷ್ಯಾಕಪ್ ಪಂದ್ಯದ ಮೂಲಕ ಕ್ರಿಕೆಟ್ ಲೋಕಕ್ಕೆ ಪಾದಾರ್ಪಣೆ ಮಾಡಿದ್ದರು. ಅಲ್ಲದೆ ವಿಶ್ವ ಟಿ 20 ಪಂದ್ಯಾವಳಿಯಲ್ಲಿ ಸಹ ಬಾಂಗ್ಲಾ ವಿರುದ್ಧ ಅವರ ಮೊದಲ ಅಂತರಾಷ್ಟ್ರೀಯ ಟಿ 20 ಪಂದ್ಯವಾಗಿತ್ತು. , ಅಲ್ಲಿ ಅವರು ನಾಲ್ಕು ವಿಕೆಟ್ಗಳನ್ನು ಗಳಿಸಿ ಪಂದ್ಯಶ್ರೇಷ್ಠರಾಗಿ ಗುರುತಿಸಿಕೊಂಡಿದ್ದರು.
ಅವರು ಒಟ್ಟು 18 ಏಕದಿನ ಮತ್ತು ಆರು ಟಿ 20 ಐಗಳನ್ನು ಆಡಿದರೂ ಸುದೀರ್ಘ ಕ್ರಿಕೆಟ್ (ಟೆಸ್ಟ್ ಕ್ರಿಕೆಟ್) ನಲ್ಲಿ ಅವರು ಅಪೂರ್ವ ಸಾಧನೆ ಮಾಡಿದ್ದಾರೆ. 2009 ರಲ್ಲಿ ಶ್ರೀಲಂಕಾ ವಿರುದ್ಧ ಭಾರತದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಪಾದಾರ್ಪಣೆ ಂಆಡಿದ್ದ ಓಜಾ 100 ಕ್ಕೂ ಹೆಚ್ಚು ವಿಕೆಟ್ ಗಳನ್ನು ಪಡೆಇದ್ದಾರೆ. ಭಾರತಕ್ಕಾಗಿ ಅವರು ಕೊನೆಯ ಬಾರಿಗೆ ಕಾಣಿಸಿಕೊಂಡಿದ್ದು, ವೆಸ್ಟ್ ಇಂಡೀಸ್ ವಿರುದ್ಧವಾಗಿದ್ದು ಭಾರತದ ಇನ್ನಿಂಗ್ಸ್ ಗೆಲುವಿನಲ್ಲಿ ಅವರು ಒಟ್ಟು ಹತ್ತು ವಿಕೆಟ್ಗಳನ್ನು ಪಡೆದ್ದರು. ವಿಶೇಷವೆಂದರೆ ಇದುವೇ ಸಚಿನ್ ತೆಂಡೂಲ್ಕರ್ ಅವರ ವಿದಾಯದ ಟೆಸ್ಟ್ ಪಂದ್ಯವಾಗಿತ್ತು. ಓಜಾ 24 ಟೆಸ್ಟ್ ಪಂದ್ಯಗಳಲ್ಲಿ 113 ವಿಕೆಟ್ ಗಳಿಸಿ ಟೆಸ್ಟ್ ವೃತ್ತಿಜೀವನವನ್ನು ಮುಗಿಸಿದ್ದಾರೆ.
ಐಪಿಎಲ್ನ ಆರಂಭಿಕ ವರ್ಷಗಳಲ್ಲಿ ಅವರು ಯಶಸ್ಸನ್ನು ಕಂಡರು, 2009ರಲ್ಲಿ ಆಗಿನ ಡೆಕ್ಕನ್ ಚಾರ್ಜರ್ಸ್ನೊಂದಿಗೆ ಗುರುತಿಸಿಕೊಂಡಿದ್ದ ಆಟಗಾರ ಬಳಿಕ ಮುಂಬೈ ಇಂಡಿಯನ್ಸ್ನೊಂದಿಗೆ ಪ್ರಶಸ್ತಿ ಗೆದ್ದ ತಂಡದಲ್ಲಿದ್ದರು. 2010 ರ ಆವೃತ್ತಿಯಲ್ಲಿ ಅವರು ಹೆಚ್ಚಿನ ಸಂಖ್ಯೆಯ ವಿಕೆಟ್ಗಳನ್ನು ಪಡೆದಿದ್ದಕ್ಕಾಗಿ ಪರ್ಪಲ್ ಕ್ಯಾಪ್ ಗೆದ್ದು ಬೀಗಿದ್ದರು. 2015 ರಲ್ಲಿ ಇವರು ಕಡೆಯ ಬಾರಿಗೆ ಐಪಿಎಲ್ ಪಂದ್ಯವನ್ನಾಡಿದ್ದರು.
"ಭಾರತೀಯ ಕ್ರಿಕೆಟಿಗನಾಗಿದೇಶವನ್ನು ಉನ್ನತ ಮಟ್ಟದಲ್ಲಿ ಪ್ರತಿನಿಧಿಸುವ ಅವಕಾಶ, ನಾನೊಬ್ಬ ಯುವಕನಾಗಿ ನನ್ನ ಕನಸಾಗಿತ್ತು. ನನ್ನವೃತ್ತಿಜೀವನವು ಅನೇಕ ಏರಿಳಿತಗಳಿಗೆ ಸಾಕ್ಷಿಯಾಗಿದೆ. ಕಾಲಾನಂತರದಲ್ಲಿ, ಒಬ್ಬ ಕ್ರೀಡಾಪಟುವಿನ ಪರಂಪರೆ ಅವನ ಕಠಿಣ ಪರಿಶ್ರಮ ಮತ್ತು ಸಮರ್ಪಣಾ ಫಲಿತವಾಗಿರುವುದಿಲ್ಲ ಆದರೆ ನನಗೆ ಸಂಘಟನೆಯು ನೀಡಿರುವ ನಂಬಿಕೆ ಮತ್ತು ಮಾರ್ಗದರ್ಶನ ದೊಡ್ಡರು. ತಂಡದ ಸದಸ್ಯರು, ತರಬೇತುದಾರರು, ತರಬೇತುದಾರರು ಮತ್ತು ಅಭಿಮಾನಿಗಳಿಗೆ ನನ್ನ ಹೃತ್ಪೂರ್ವಕ ಧನ್ಯವಾದಗಳು" ಓಜಾ ಟ್ವಿಟರ್ನಲ್ಲಿ ಹಂಚಿಕೊಂಡ ಹೇಳಿಕೆಯಲ್ಲಿ ತಿಳಿಸಿದ್ದಾರೆ
"ಹಿರಿಯ ಸಹೋದರನಂತೆ ನನಗೆ ಮಾರ್ಗದರ್ಶನ ನೀಡಿದ ವಿ.ವಿ.ಎಸ್.ಲಕ್ಷ್ಮಣ್ ಅವರಿಗೆ ನಾನು ತುಂಬಾ ಕೃತಜ್ಞನಾಗಿದ್ದೇನೆ, ನಾನು ಯಾವಾಗಲೂ ಅನುಕರಿಸಲು ನೋಡುತ್ತಿದ್ದ ರೋಲ್ ಮಾಡೆಲ್ ಹರ್ಭಜನ್ ಸಿಂಗ್ , ನಿರಂತರ ಸಲಹೆಗಾರರಾಗಿದ್ದ ಎಂ.ಎಸ್. ಧೋನಿ ಇಂಡಿಯನ್ ಕ್ಯಾಪ್ ಧರಿಸಲು ಗೌರವಾನ್ವಿತ ಅವಕಾಶ ಕಲ್ಪಿಸಿಕೊಟ್ಟರು. ನನ್ನ ವೃತ್ತಿಜೀವನವನ್ನು ಹಿಂತಿರುಗಿ ನೋಡುವುದು ಯಾವಾಗಲೂ ನನಗೆ ಹೆಮ್ಮೆಯ ಭಾವವನ್ನು ತುಂಬುತ್ತದೆ ಎಂದು ನನಗೆ ಖಾತ್ರಿಯಿದೆ. ಅತ್ಯಂತ ಸ್ಮರಣೀಯ ಕ್ಷಣಗವಾಗಿ ಸಚಿನ್ ತೆಂಡೂಲ್ಕರ್ ಅವರಿಂದ ನನ್ನ ಟೆಸ್ಟ್ ಕ್ಯಾಪ್ ಅನ್ನು ಸ್ವೀಕರಿಸಿದ್ದಾಗಿದೆ. ಸಾಧ್ಯವಾದಷ್ಟು ಎಲ್ಲ ಸಾಮರ್ಥ್ಯಗಳಲ್ಲಿ ಭಾರತೀಯ ಕ್ರಿಕೆಟ್ ಬೆಳವಣಿಗೆಗೆ ಸಹಕರಿಸುವುದನ್ನು ಮುಂದುವರೆಸುತ್ತೇನೆ" ಅವರು ಹೇಳಿದ್ದಾರೆ.