ನವದೆಹಲಿ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಶನಿವಾರ ರಾಷ್ಟ್ರೀಯ ಹಿರಿಯ ಆಯ್ಕೆದಾರರ ಸ್ಥಾನಗಳಿಗೆ ಅರ್ಜಿ ಕರೆದಿದೆ.

ಭಾರತ ಕ್ರಿಕೆಟ್ ತಂಡ ಆಯ್ಕೆ ಸಮಿತಿಯಲ್ಲಿ ತೆರವಾಗಿರುವ ಒಟ್ಟು 9 ಹುದ್ದೆಗಳಿಗಾಗಿ ಬಿಸಿಸಿಐ ಅರ್ಜಿ ಆಹ್ವಾನಿಸಿದ್ದು, ಮಹಿಳೆಯರಿಗಾಗಿ ಹಿರಿಯ ಆಯ್ಕೆ ಸಮಿತಿಗೆ ಐದು ಹುದ್ದೆಗಳು, ಪುರುಷರಿಗಾಗಿ ರಾಷ್ಟ್ರೀಯ ಹಿರಿಯ ಆಯ್ಕೆ ಸಮಿತಿಗೆ ಎರಡು ಹುದ್ದೆಗಳು ಮತ್ತು ಕಿರಿಯ ಪುರುಷರ ತಂಡಕ್ಕೆ ರಾಷ್ಟ್ರೀಯ ಹಿರಿಯ ಆಯ್ಕೆ ಸಮಿತಿಗೆ ಎರಡು ಹುದ್ದೆಗಳಿಗೆ ಅರ್ಜಿ ಕರೆಯಲಾಗಿದೆ.

ಈ ಕುರಿತಂತೆ ಬಿಸಿಸಿಐ ತನ್ನ ಅಧಿಕೃತ ವೆಬ್ ಸೈಟ್ ನಲ್ಲಿ ಜಾಹಿರಾತು ಕೂಡ ನೀಡಿದ್ದು, ಹಿರಿಯ ಮಾಜಿ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್ ಮತ್ತು ಲಕ್ಷ್ಮಣ್ ಶಿವರಾಮ ಕೃಷ್ಣನ್ ಅವರು ಅರ್ಜಿ ಸಲ್ಲಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಜನವರಿ 24ರಂದು ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದೆ.