ನವದೆಹಲಿ: ಕೋವಿಡ್-19 ಹಿನ್ನೆಲೆಯಲ್ಲಿ ಈ ವರ್ಷದ ಟಿ20 ವಿಶ್ವ ಕಪ್ ಮುಂದೂಡಿಕೆಯಾದರೆ ತಮಗೆ ಮತ್ತು ಆಸ್ಟ್ರೇಲಿಯಾದ ಇತರ ಆಟಗಾರರಿಗೆ ಐಪಿಎಲ್ ಆಡಲು ಸಾಧ್ಯವಾಗಲಿದೆ ಎಂದು ಡೇವಿಡ್ ವಾರ್ನರ್ ಆಶಾವಾದ ವ್ಯಕ್ತಪಡಿಸಿದ್ದಾರೆ.
ಈ ವರ್ಷ ಅಕ್ಟೋಬರ್-ನವೆಂಬರ್ ನಲ್ಲಿ 16 ತಂಡಗಳು ವಿಶ್ವ ಕಪ್ ಆಯೋಜಿಸುವುದು ಅವಾಸ್ತವಿಕ ಸಂಗತಿ ಎನಿಸಿಕೊಳ್ಳಲಿದೆ ಎಂದು ಕೆಲವು ದಿನಗಳ ಹಿಂದೆ ಕ್ರಿಕೆಟ್ ಆಸ್ಟ್ರೇಲಿಯಾ ಅಧ್ಯಕ್ಷ ಅರ್ಲ್ ಅಡ್ಡಿಂಗ್ ಹೇಳಿದ ಹೊರತಾಗಿಯೂ, ಐಸಿಸಿ ಮಾತ್ರ ಇಲ್ಲಿಯವರೆಗೆ ಟೂರ್ನಿ ಬಗ್ಗೆ ಯಾವುದೇ ತೀರ್ಮಾನಕ್ಕೆ ಬಂದಿಲ್ಲ. ಮುಂದಿನ ತಿಂಗಳು ಅಂತಿಮ ತೀರ್ಮಾನ ಹೊರಬೀಳುವ ನಿರೀಕ್ಷೆ ಇದೆ.
ಕೊರೊನಾ ಆತಂಕದ ನಡುವೆ 16 ತಂಡಗಳ ಟಿ20 ವಿಶ್ವಕಪ್ ಆಯೋಜಿಸುವುದು ತುಂಬ ಕಷ್ಟದ ಕೆಲಸ ಎಂದು ಎಡಗೈ ಆರಂಭಿಕ ಆಟಗಾರ ವಾರ್ನರ್ ಇದಕ್ಕೂ ಮೊದಲು ಹೇಳಿದ್ದರು.