ಕೊಲಂಬೋ: ಭಾರತದ ಮಾಜಿ ಆಲ್‌ರೌಂಡರ್ ಇರ್ಫಾನ್ ಪಠಾಣ್ ಕ್ಯಾಂಡಿ ಟಸ್ಕರ್ಸ್ ಫ್ರ್ಯಾಂಚೈಸಿಗಾಗಿ ಲಂಕಾ ಪ್ರೀಮಿಯರ್ ಲೀಗ್ (ಎಲ್‌ಪಿಎಲ್) ನಲ್ಲಿ ಆಡಲು ಸಜ್ಜಾಗಿದ್ದಾರೆ.
ಕ್ರಿಸ್ ಗೇಲ್, ಕುಸಲ್ ಪೆರೆರಾ, ಕುಸಲ್ ಮೆಂಡಿಸ್ ಮತ್ತು ನುವಾನ್ ಪ್ರದೀಪ್,ಇಂಗ್ಲೆಂಡ್ ಬಲಗೈ ವೇಗದ ಬೌಲರ್ ಲಿಯಾಮ್ ಪ್ಲಂಕೆಟ್ ಕೂಡ ಕ್ಯಾಂಡಿ ತಂಡದಲ್ಲಿದ್ದಾರೆ.
"ಎಲ್ಪಿಎಲ್ನಲ್ಲಿ ಕ್ಯಾಂಡಿ ಫ್ರ್ಯಾಂಚೈಸಿ ಪರ ಆಡಲು ನಾನು ಉತ್ಸುಕನಾಗಿದ್ದೇನೆ. ತಂಡದಲ್ಲಿ ಆಕರ್ಷಕ ಆಟಗಾರರಿದ್ದು ಅವರೊಂದಿಗಿನ ಅನುಭವಕ್ಕಾಗಿ ಎದುರು ನೋಡುತ್ತಿದ್ದೇನೆ" ಇರ್ಫಾನ್ ಪಠಾಣ್ ಹೇಳಿದ್ದಾರೆ.
ಶ್ರೀಲಂಕಾದ ಮಾಜಿ ನಾಯಕ ಹಸನ್ ತಿಲಕರತ್ನೆಕ್ಯಾಂಡಿ ಕೋಚಿಂಗ್ ಸಿಬ್ಬಂದಿಗಳಲ್ಲಿ ಒಬ್ಬರಾಗಿದ್ದಾರೆ.
ಆಲ್‌ರೌಂಡರ್ ಪಠಾಣ್ ಅವರನ್ನು ಸ್ವಾಗತಿಸಿದ ಕ್ಯಾಂಡಿ ಫ್ರಾಂಚೈಸಿ ಮಾಲೀಕ ಮತ್ತು ಬಾಲಿವುಡ್ ನಟ ಸೊಹೈಲ್ ಖಾನ್, "ಇರ್ಫಾನ್ ಸೇರ್ಪಡೆ ತಂಡದ ಶಕ್ತಿಯನ್ನು ಹೆಚ್ಚಿಸುವುದಲ್ಲದೆ ಅವರ ಅನುಭವವು ತಂಡಕ್ಕೆ ದೊಡ್ಡ ಆಸ್ತಿಯಾಗಲಿದೆ" ಎಂದು ಹೇಳಿದರು
ಶ್ರೀಲಂಕಾ ಕ್ರಿಕೆಟ್ (ಎಸ್‌ಎಲ್‌ಸಿ) ವಿ.ಪಿ ಮತ್ತು ಎಲ್‌ಪಿಎಲ್ ಟೂರ್ನಮೆಂಟ್ ನಿರ್ದೇಶಕ ರವಿನ್ ವಿಕ್ರಮ ರತ್ನ, "ಇರ್ಫಾನ್ ಪಠಾಣ್ ಅತ್ಯಾಕರ್ಷಕ ಆಲ್‌ರೌಂಡರ್ ಮತ್ತು ಎಲ್ಪಿಎಲ್ನಲ್ಲಿ ಕ್ಯಾಂಡಿ ಪರವಾಗಿ ಅವರನ್ನು ನೋಡಲು ಅಭಿಮಾನಿಗಳು ಕಾತುರಗೊಂಡಿದ್ದಾರೆನ್ನುವುದು ನನಗೆ ಖಾತ್ರಿಯಿದೆ" ಎಂದರು.
ಲಂಕಾ ಪ್ರೀಮಿಯರ್ ಲೀಗ್ನವೆಂಬರ್ 21 ರಿಂದ ಡಿಸೆಂಬರ್ 13, 2020 ರವರೆಗೆ ಎರಡು ಸ್ಥಳಗಳಲ್ಲಿ ನಡೆಯಲಿದೆ. ಪ್ರಶಸ್ತಿಗಾಗಿ 15 ದಿನಗಳ ಅವಧಿಯಲ್ಲಿ 23 ಪಂದ್ಯಗಳಿದ್ದು , ಕೊಲಂಬೊ, ಕ್ಯಾಂಡಿ, ಗ್ಯಾಲೆ, ಡಂಬುಲ್ಲಾ, ಮತ್ತು ಜಾಫ್ನಾ ಹೆಸರಿನ ಐದು ಫ್ರಾಂಚೈಸಿ ತಂಡಗಳು ಸೆಣೆಸಲಿದೆ.