ರಾಂಚಿ: ಟೀಂ ಇಂಡಿಯಾ ಹಾಗೂ ನ್ಯೂಜಿಲೆಂಡ್ ಮಧ್ಯೆ ನಿನ್ನೆ ನಡೆದ ಪಂದ್ಯದಲ್ಲಿ ಅಪರಿಚಿತನೊಬ್ಬ ದಿಢೀರಂಥ ಗ್ರೌಂಡ್ ಗೆ ಎಂಟ್ರಿ ಕೊಟ್ಟಿದ್ದ. ಸೆಕ್ಯೂರಿಟಿ ಗಾರ್ಡ್ ಗಳಿಗೆ ಚಳ್ಳೆ ಹಣ್ಣು ತಿನ್ನಿಸಿದ ವ್ಯಕ್ತಿ, ರಾಂಚಿ ಸ್ಟೇಡಿಯಮ್ ಸಂಪೂರ್ಣ ಗಲಿಬಿಲಿಗೊಳ್ಳುವಂತೆ ಮಾಡಿದ್ದನು.
ಟೀಂ ಇಂಡಿಯಾದ ಆಟಗಾರರು ಫೀಲ್ಡಿಂಗ್ ಮಾಡುತ್ತಿದ್ದಾಗ ಈ ಘಟನೆ ನಡೆದಿದೆ. ಸೆಕ್ಯೂರಿಟಿಯಿಂದ ತಪ್ಪಿಸಿಕೊಂಡ ಬಂದ ಓರ್ವ ಅಭಿಮಾನಿ, ಹಿಟ್ ಮ್ಯಾನ್ ಬಳಿ ಬಂದಿದ್ದ. ರೋಹಿತ್ ಶರ್ಮಾ ಕಾಲಿಗೆ ಬಿದ್ದು ನಮಸ್ಕಿರಿಸದ ಅಭಿಮಾನಿಯನ್ನು ಭದ್ರತಾ ಸಿಬ್ಬಂದಿಗಳು ವಾಪಸ್ ವೀಕ್ಷಕರ ಗ್ಯಾಲರಿಗೆ ಕರೆದುಕೊಂಡು ಹೋದ್ರು. ಈ ದೃಶ್ಯ ರಾಂಚಿ ಕ್ರಿಕೆಟ್ ಮೈದಾನದಲ್ಲಿ ಕೆಲ ಹೊತ್ತು ಸಂಚಲನ ಉಂಟು ಮಾಡಿತ್ತು.
ಪಂದ್ಯದ ಮಧ್ಯದಲ್ಲಿ ನಡೆದ ಈ ಘಟನೆಯಿಂದಾಗಿ ಆಟಗಾರರ ಭದ್ರತೆಯ ಬಗ್ಗೆ ಹಲವು ಪ್ರಶ್ನೆಗಳು ಉದ್ಭವಿಸಿವೆ. ಪೆವಿಲಿಯನ್ ಅನ್ನು ವಿವಿಐಪಿಗೆ ಮಾತ್ರ ಮೀಸಲಿಡಲಾಗಿರುತ್ತದೆ. ಆ ಸ್ಥಳಕ್ಕೆ ವಿಐಪಿಗಳನ್ನು ಹೊರತುಪಡಿಸಿದ್ರೆ, ಯಾರಿಗೂ ಪ್ರವೇಶ ಇರುವುದಿಲ್ಲ. ಆದ್ರೆ, ಅಭಿಮಾನಿಯೊಬ್ಬ ಹೇಗೆ ಗ್ರೌಂಡ್ ಗೆ ಬಂದ ಅನ್ನೋದು ಅಚ್ಚರಿ ಮೂಡಿಸಿದೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.