ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನಕ್ಕೆ ದಕ್ಷಿಣ ಆಫ್ರಿಕಾದ ಬ್ಯಾಟರ್ ಲಿಜೆಲ್ಲೆ ಲೀ ವಿದಾಯ ಹೇಳಿದ್ದಾರೆ. ತನ್ನ ವಿದಾಯದ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಲಿಜೆಲ್ಲೆ ಹೇಳಿದ್ದಾರೆ. 

2013ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಟಿ20 ಪಂದ್ಯದ ಮೂಲಕ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದ್ದ ಲಿಜೆಲ್ಲೆ ಅವರು ನಂತರ ಏಕದಿನ ಕ್ರಿಕೆಟ್ ಗೂ ಪಾದಾರ್ಪಣೆ ಮಾಡಿದ್ದರು. ಇನ್ನು ಲಿಜೆಲ್ಲೆ ಅವರು ಟಿ20ಯಲ್ಲಿ ದಕ್ಷಿಣ ಆಫ್ರಿಕಾ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಲಿಜೆಲ್ಲೆ ಅವರು ದಕ್ಷಿಣ ಆಫ್ರಿಕಾ ಪರ 182 ಪಂದ್ಯಗಳನ್ನು ಆಡಿದ್ದು 5,253 ರನ್ ಗಳಿಸಿದ್ದಾರೆ. ಇನ್ನು 100 ಏಕದಿನ ಪಂದ್ಯಗಳನ್ನು ಆಡಿರುವ 36.4 ಸರಾಸರಿಯಲ್ಲಿ 3,315 ರನ್ ಗಳಿಸಿದ್ದಾರೆ. ಒಟ್ಟು 82 ಟಿ20 ಪಂದ್ಯಗಳನ್ನು ಆಡಿರುವ ಅವರು 1,896 ರನ್ ಗಳಿಸಿದ್ದಾರೆ.