ಗಯಾನ: ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯ ಸೆಮಿ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ತಂಡ ಭರ್ಜರಿ ಜಯ ದಾಖಲಿಸಿ ಫೈನಲ್ ಗೇರಿದ್ದು, ಈ ಮೂಲಕ ಕ್ರಿಕೆಟ್ ಇತಿಹಾಸದ ಹಲವು ದಾಖಲೆಗಳ ಪುನರ್ ನಿರ್ಮಾಣ ಮಾಡಿದೆ.
ಹೌದು.. ಗಯಾನದ ಪ್ರಾವಿಡೆಂಟ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ತಂಡ 68 ರನ್ ಗಳ ಜಯಭೇರಿ ಬಾರಿಸಿದ್ದು ಮಾತ್ರವಲ್ಲದೇ ಹಾಲಿ ಟೂರ್ನಿಯಲ್ಲಿ ಫೈನಲ್ ಗೆ ಲಗ್ಗೆ ಇರಿಸಿದೆ.
ಈ ಪಂದ್ಯದ ಗೆಲುವಿನ ಮೂಲಕ ಐಸಿಸಿ ಟಿ20 ವಿಶ್ವಕಪ್ ಇತಿಹಾಸದಲ್ಲಿ ಹಲವು ದಾಖಲೆಗಳು ಪುನರ್ ನಿರ್ಮಾಣವಾಗಿದೆ.
ಟಿ20 ವಿಶ್ವಕಪ್ ನಲ್ಲಿ ಭಾರತಕ್ಕೆ 4ನೇ ಅತಿ ದೊಡ್ಡ ಜಯ
ನಿನ್ನೆಯ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ಗಳಿಸಿದ 68 ರನ್ ಗಳ ಜಯ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಭಾರತಕ್ಕೆ ಸಿಕ್ಕ 4ನೇ ಅತಿ ದೊಡ್ಡ ಜಯವಾಗಿದೆ. ಈ ಹಿಂದೆ 2012ರಲ್ಲಿ ಇದೇ ಇಂಗ್ಲೆಂಡ್ ವಿರುದ್ಧ ಭಾರತ 90 ರನ್ ಗಳ ಅಂತರದಲ್ಲಿ ಗೆದ್ದು ಬೀಗಿತ್ತು. ಇದು ಭಾರತಕ್ಕೆ ಟಿ20 ಕ್ರಿಕೆಟ್ ವಿಶ್ವಕಪ್ ನಲ್ಲಿ ರನ್ ಲೆಕ್ಕಾಚಾರದಲ್ಲಿ ಸಿಕ್ಕ ಅತೀ ದೊಡ್ಡ ಗೆಲುವಾಗಿದೆ.
Biggest win margins for India in T20 WC
90 runs vs ENG, Colombo RPS, 2012
73 runs vs AUS, Mirpur, 2014
71 runs vs ZIM, Melbourne, 2022
68 runs vs ENG, Providence, 2024 SF
66 runs vs AFG, Abu Dhabi, 2021
ಟಿ20 ವಿಶ್ವಕಪ್ ನಾಕೌಟ್ ನಲ್ಲಿ 2ನೇ ಅತೀ ದೊಡ್ಡ ಜಯ
ಅಂತೆಯೇ ಟಿ20 ವಿಶ್ವಕಪ್ ಟೂರ್ನಿಯ ಇತಿಹಾಸದಲ್ಲಿ ನಾಕೌಟ್ ಹಂತದಲ್ಲಿ ತಂಡವೊಂದು ಗಳಿಸಿದ 2ನೇ ಅತೀ ದೊಡ್ಡ (ರನ್ ಲೆಕ್ಕಾಚಾರದಲ್ಲಿ) ಗೆಲುವಾಗಿದೆ. ಈ ಹಿಂದೆ 2012ರ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಕೊಲಂಬೋದಲ್ಲಿ ನಡೆದ ಸೆಮಿ ಫೈನಲ್ ನಲ್ಲಿ ವೆಸ್ಟ್ ಇಂಡೀಸ್ ತಂಡ ಆಸ್ಟ್ರೇಲಿಯಾವನ್ನು 74ರನ್ ಗಳ ಅಂತರದಲ್ಲಿ ಮಣಿಸಿತ್ತು. ಇದು ಟಿ20 ವಿಶ್ವಕಪ್ ಇತಿಹಾಸದಲ್ಲಿ ದಾಖಲಾಗಿರುವ ಅತೀ ದೊಡ್ಡ ಜಯವೆಂದು ದಾಖಲಾಗಿದೆ.
Biggest win-margins in T20 WC knockouts (by runs)
74 runs - WI vs AUS, Colombo RPS, 2012 SF
68 runs - IND vs ENG, Providence, 2024 SF
57 runs - SL vs WI, The Oval, 2009 SF
36 runs - WI vs SL, Colombo RPS, 2012 final