ಅಬುದಾಬಿ: ಹಾಲಿ ಏಷ್ಯಾಕಪ್ 2025 ಕ್ರಿಕೆಟ್ ಟೂರ್ನಿ ಮತ್ತೆ ಇಂಡೋ-ಪಾಕ್ ಪಂದ್ಯಗಳಿಂದ ಸುದ್ದಿಗೆ ಗ್ರಾಸವಾಗುತ್ತಿದ್ದು, ಇದೀಗ ಸೂಪರ್ 4 ಸ್ಟೇಜ್ ನಲ್ಲಿ ಮತ್ತೆ ಸಾಂಪ್ರದಾಯಿಕ ಎದುರಾಳಿಗಳು ಮುಖಾಮುಖಿಯಾಗುತ್ತಿದ್ದು, ತಂಡದ ಆಟಗಾರರಿಗೆ ನಾಯಕ ಸೂರ್ಯ ಕುಮಾರ್ ಯಾದವ್ ಖಡಕ್ ಸಂದೇಶ ರವಾನಿಸಿದ್ದಾರೆ.
ಹೌದು.. ಹಾಲಿ ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತ ತಂಡ ಅಜೇಯವಾಗಿ ಸೂಪರ್ 4 ಹಂತ ಪ್ರವೇಶ ಮಾಡಿದ್ದು, ಲೀಗ್ ಹಂತದಲ್ಲಿ ಪಾಕಿಸ್ತಾನವನ್ನು ಸೋಲಿಸಿದ್ದ ಭಾರತ ತಂಡದ ಆಟಗಾರರು ಔಪಚಾರಿಕ ಹಸ್ತಲಾಘವ ಮಾಡದೇ ಡ್ರೆಸ್ಸಿಂಗ್ ರೂಂ ಸೇರಿಕೊಂಡಿದ್ದರು.
ಭಾರತದ ಪಹಲ್ಗಾಮ್ ನಲ್ಲಿ ಪಾಕಿಸ್ತಾನ ಮೂಲದ ಉಗ್ರರು ನಡೆಸಿದ್ದ ದಾಳಿ ಮತ್ತು ಆ ಬಳಿಕ ನಡೆದ ಆಪರೇಷನ್ ಸಿಂದೂರ್ ಸೇನಾ ಕಾರ್ಯಾಚರಣೆಗೆ ಸೈನಿಕರಿಗೆ ನೈತಿಕ ಬೆಂಬಲ ನೀಡುವ ಉದ್ದೇಶದಿಂದ ಭಾರತ ತಂಡ ಹಸ್ತಾಲಾಘವ ಮಾಡಿರಲಿಲ್ಲ.
ಇದು ವ್ಯಾಪಕ ವಿವಾದಕ್ಕೆ ಕಾರಣವಾಗಿ ಪಿಸಿಬಿ ಭಾರತ ತಂಡದ ಈ ನಿಲುವು ಮತ್ತು ಪಂದ್ಯದ ರೆಫರಿ ವಿರುದ್ಧ ದೂರಿಗೂ ಮುಂದಾಗಿತ್ತು. ಬಳಿಕ ಸಂಧಾನ ನಡೆದು ಈ ವಿವಾದ ಅಲ್ಲಿಗೆ ಅಂತ್ಯವಾಗಿತ್ತು.
ಇದೀಗ ಮತ್ತೆ ಸೂಪರ್ 4 ಹಂತದಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಎದುರಾಗುತ್ತಿದ್ದು ಈ ಮತ್ತೊಂದು ಹೈವೋಲ್ಟೇಜ್ ಪಂದ್ಯಕ್ಕೆ ಭಾರತ ತಂಡ ಸಿದ್ದವಾಗುತ್ತಿದೆ. ಇದೇ ಸಂದರ್ಭದಲ್ಲೇ ಟೀಂ ಇಂಡಿಯಾ ನಾಯಕ ಸೂರ್ಯ ಕುಮಾರ್ ಯಾದವ್ ತಮ್ಮ ಸಹ ಆಟಗಾರರಿಗೆ ದೊಡ್ಡ ಸಂದೇಶ ರವಾನಿಸಿದ್ದಾರೆ.
ಈ ಕುರಿತು ಸಹ ಆಟಗಾರರನ್ನು ಉದ್ದೇಶಿಸಿ ಮಾತನಾಡಿರುವ ಸೂರ್ಯ ಕುಮಾರ್ ಯಾದವ್, 'ಇಂತಹ ದೊಡ್ಡ ಪಂದ್ಯಗಳ ಸಮಯದಲ್ಲಿ ಹೊರಗಿನ ಶಬ್ದಗಳನ್ನು ಮುಚ್ಚುವ ಬಗ್ಗೆ ಕೆಲವೊಮ್ಮೆ ವಿವಾದಗಳಿಗೆ ಕಾರಣವಾಗಬಹುದು. ನಿಮ್ಮ ಕೋಣೆಯ ಬಾಗಿಲನ್ನು ಮುಚ್ಚಿ, ನಿಮ್ಮ ಫೋನ್ ಅನ್ನು ಸ್ವಿಚ್ ಆಫ್ ಮಾಡಿ ಮತ್ತು ನಿದ್ರೆ ಮಾಡಿ" ಎಂಬ ತಮ್ಮ ಮಂತ್ರವನ್ನು ಹೇಳಿದರು.
ಭಾರತೀಯ ಸಶಸ್ತ್ರಪಡೆಗಳಿಗೆ ಅಂದಿನ ಗೆಲುವನ್ನು ಅರ್ಪಿಸಿದ ಸೂರ್ಯ ಕುಮಾರ್ ಯಾದವ್ ಬಳಿಕ ಈ ವಿವಾದದ ಕುರಿತು ಮಾತನಾಡಿದರು. 'ಹೊರಗಿನ ಶಬ್ದವನ್ನು ಸಂಪೂರ್ಣವಾಗಿ ಕಡಿಮೆ ಮಾಡಲು ಸಾಧ್ಯವಿಲ್ಲ, ಆದರೆ ತಮ್ಮ ಹುಡುಗರಿಗೆ ಒಳ್ಳೆಯದನ್ನು ಸ್ವೀಕರಿಸಲು ಹೇಳುತ್ತೇನೆ ಎಂದಿದ್ದರು.
"ನಿಮ್ಮ ಕೋಣೆಯ ಬಾಗಿಲನ್ನು ಮುಚ್ಚಿ, ನಿಮ್ಮ ಫೋನ್ ಅನ್ನು ಆಫ್ ಮಾಡಿ ಮತ್ತು ಮಲಗಿಕೊಳ್ಳಿ, ಅದು ಉತ್ತಮ ಎಂದು ನಾನು ಭಾವಿಸುತ್ತೇನೆ. ಆದರೆ ಅದನ್ನು ಹೇಳುವುದು ಸುಲಭ, ಆದರೆ ಕೆಲವೊಮ್ಮೆ ಅದು ಕಷ್ಟಕರವಾಗಿರುತ್ತದೆ. ಏಕೆಂದರೆ ನೀವು ಬಹಳಷ್ಟು ಸ್ನೇಹಿತರನ್ನು ಭೇಟಿಯಾಗುತ್ತೀರಿ, ನೀವು ಊಟಕ್ಕೆ ಹೋಗುತ್ತೀರಿ ಮತ್ತು ನಿಮ್ಮ ಸುತ್ತಲೂ ಈ ಎಲ್ಲಾ ವಿಷಯಗಳನ್ನು ನೋಡಲು ಇಷ್ಟಪಡುವ ಅನೇಕ ಆಟಗಾರರು ಇದ್ದಾರೆ. ಆದ್ದರಿಂದ ಇದು ಸವಾಲಿನದ್ದಾಗಿದೆ, ಆದರೆ ಅದು ನಿಮ್ಮ ಮೇಲೆ ಅವಲಂಬಿತವಾಗಿರುತ್ತದೆ ಎಂದರು.
ಅಂತೆಯೇ 'ನೀವು ಏನು ಕೇಳಲು ಬಯಸುತ್ತೀರಿ, ನಿಮ್ಮ ಮನಸ್ಸಿನಲ್ಲಿ ಏನನ್ನು ಹೊಂದಲು ಬಯಸುತ್ತೀರಿ ಅದರ ಅನ್ವಯ ಮುಂದುವರಿಯಿರಿ.. ಅಭ್ಯಾಸ-ತರಬೇತಿಗೆ ಸಮಯ ನೀಡಿ... ನಿಮ್ಮ ನೈಜ ಆಟವನ್ನು ಆಡಿ ಎಂದು ನಾನು ಎಲ್ಲಾ ಹುಡುಗರೊಂದಿಗೆ ತುಂಬಾ ಸ್ಪಷ್ಟವಾಗಿ ಹೇಳಿದ್ದೇನೆ, ಅದು ತುಂಬಾ ಮುಖ್ಯ ಎಂದು ನಾನು ಭಾವಿಸುತ್ತೇನೆ ಎಂದು ಹೇಳಿದರು.
ಅಂತೆಯೇ 'ಈ ಪಂದ್ಯಾವಳಿಯಲ್ಲಿ ಮತ್ತು ಮುಂದೆ ನಾವು ಉತ್ತಮವಾಗಿ ಕಾರ್ಯನಿರ್ವಹಿಸಲು ಬಯಸಿದರೆ, ನಾವು ಹೊರಗಿನಿಂದ ಬರುವ ಬಹಳಷ್ಟು ಶಬ್ದವನ್ನು ಮುಚ್ಚಿ.. ನಿಮಗೆ ಒಳ್ಳೆಯದು ಅನ್ನಿಸಿದ್ದನ್ನು ಮಾತ್ರ ತೆಗೆದುಕೊಳ್ಳಬೇಕು, ನಾನು ಶಬ್ದವನ್ನು ಸಂಪೂರ್ಣವಾಗಿ ಮುಚ್ಚಿ ಎಂದು ಹೇಳುತ್ತಿಲ್ಲ, ಆದರೆ ನಿಮಗೆ ಒಳ್ಳೆಯದನ್ನು ತೆಗೆದುಕೊಳ್ಳಿ, ಯಾರಾದರೂ ನಿಮಗೆ ಒಳ್ಳೆಯ ಸಲಹೆಯನ್ನು ಸಹ ನೀಡಬಹುದು, ಅದು ಆಟದಲ್ಲಿ ನಿಮಗೆ ಸಹಾಯ ಮಾಡಬಹುದು, ಅದು ನಿಮಗೆ ಮೈದಾನದಲ್ಲಿ ಸಹಾಯ ಮಾಡಬಹುದು, ಆದ್ದರಿಂದ ಅದು ನನಗೆ ತುಂಬಾ ಮುಖ್ಯ ಎಂದು ನಾನು ಭಾವಿಸುತ್ತೇನೆ ಎಂದು ಸೂರ್ಯ ಕುಮಾರ್ ಯಾದವ್ ಅಟಗಾರರಿಗೆ ಕಿವಿಮಾತು ಹೇಳಿದರು.
ಹೈವೋಲ್ಟೇಜ್ ಪಂದ್ಯದ ಕುರಿತು ಮಾತು
ಇದೇ ವೇಳೆ ಸಾಂಪ್ರದಾಯಿಕ ಎದುರಾಳಿಗಳ ಪಂದ್ಯದ ಕುರಿತು ಮಾತನಾಡಿದ ಸೂರ್ಯ ಕುಮಾರ್ ಯಾದವ್, 'ನೀವು ಯಾವ ಪೈಪೋಟಿಯ ಬಗ್ಗೆ ಮಾತನಾಡುತ್ತಿದ್ದೀರಿ ಎಂದು ನನಗೆ ತಿಳಿದಿಲ್ಲ. ನನಗೆ, ನಾನು ಒಮ್ಮೆ ಮೈದಾನಕ್ಕೆ ಇಳಿದು ಆಟ ಪೂರ್ಣವಾಗಿ ಕಂಡರೆ, ನನ್ನ ಆಟಗಾರರಿಗೆ ಎಲ್ಲರನ್ನೂ ರಂಜಿಸುವ ಸಮಯ ಬಂದಿದೆ ಎಂದು ಹೇಳುತ್ತೇನೆ. ನಾವು ಉತ್ತಮ ಕ್ರಿಕೆಟ್ ಆಡುವತ್ತ ಗಮನ ಹರಿಸುತ್ತೇವೆ. ನಾವು ಮೂರು ಪಂದ್ಯಗಳನ್ನು ಆಡಿದ್ದೇವೆ ಮತ್ತು ಪ್ರತಿಯೊಂದೂ ಎರಡನೇ ಪಂದ್ಯವನ್ನು ಗೆದ್ದಷ್ಟು ಆನಂದದಾಯಕವಾಗಿತ್ತು' ಎಂದು ಹೇಳಿದ್ದಾರೆ.
ಒಮನ್ ಆಟ ಉತ್ತಮವಾಗಿತ್ತು
ಇದೇ ವೇಳೆ ಒಮನ್ ಸಾಂಘಿಕ ಹೋರಾಟವನ್ನು ಶ್ಲಾಘಿಸಿದ ಸೂರ್ಯಕುಮಾರ್ ಯಾದವ್, 'ಸ್ವಲ್ಪ ಇಬ್ಬನಿ" ಇತ್ತು ಎಂದು ಒಪ್ಪಿಕೊಂಡರು, ಆದರೆ ಅದೊಂದೇ ಕಾರಣಕ್ಕೆ ಕ್ಷಮಿಸಲು ಸಾಧ್ಯವಿಲ್ಲ. ಅವರು ಉತ್ತಮ ಕ್ರಿಕೆಟ್ ಆಡಿದ್ದಾರೆಂದು ನಾನು ಭಾವಿಸುತ್ತೇನೆ, ಅವರು ನಿಜವಾಗಿಯೂ ಚೆನ್ನಾಗಿ ಬ್ಯಾಟಿಂಗ್ ಮಾಡಿದರು, ಸ್ವಲ್ಪ ಇಬ್ಬನಿ ಇತ್ತು, ಆದರೆ ಅದು ಒಂದು ಕ್ಷಮೆಗೆ ಅರ್ಹವಲ್ಲ ಎಂದರು.