ಲಖನೌ: ಲಕ್ನೋ ಸೂಪರ್ ಜೈಂಟ್ಸ್ (LSG) ತಂಡದ ಮಾಲೀಕ ಸಂಜೀವ್ ಗೋಯೆಂಕಾ ಕುರಿತು ಮಾತನಾಡಿರುವ ಕ್ರಿಕೆಟಿಗ ಮಹಮದ್ ಶಮಿ, ಅವರ ಭಾವನೆ ಮತ್ತು ಪ್ರತಿಕ್ರಿಯೆಗಳು ಸರಿಯಾಗೇ ಇವೆ ಎಂದು ಅಚ್ಚರಿ ಹೇಳಿಕೆ ನೀಡಿದ್ದಾರೆ.

LSG ತಂಡದ ಮಾಲೀಕ ಸಂಜೀವ್ ಗೋಯೆಂಕಾ ತಮ್ಮ ಕಟು ಪ್ರತಿಕ್ರಿಯೆಗಳ ಮೂಲಕವೇ ಈ ಹಿಂದಿನ ವರ್ಷಗಳಲ್ಲಿ ಸಾಕಷ್ಟು ವಿವಾದಗಳನ್ನು ಮೈಮೇಲೆ ಎಳೆದುಕೊಂಡಿದ್ದರು. 2024ರಲ್ಲಿ ಕೆಎಲ್ ರಾಹುಲ್ ಮತ್ತು 2025ರಲ್ಲಿ ರಿಷಬ್ ಪಂತ್ ಜೊತೆಗಿನ ವಾಗ್ವಾದ ಬಳಿಕವಂತೂ ಸಂಜೀವ್ ಗೊಯೆಂಕಾ ವಿರುದ್ಧ ಅಭಿಮಾನಿಗಳು ಆಕ್ರೋಶವನ್ನೇ ವ್ಯಕ್ತಪಡಿಸಿದ್ದರು.

ಆದರೆ ಇದೀಗ ಅವರ ಕೋಪ, ಭಾವನೆಗಳು ಮತ್ತು ಪ್ರತಿಕ್ರಿಯೆಗಳು ನ್ಯಾಯಸಮ್ಮತವಾಗಿವೆ ಎಂದು ಭಾರತ ತಂಡದ ಸ್ಟಾರ್ ವೇಗಿ ಮಹಮದ್ ಶಮಿ ಹೇಳಿದ್ದಾರೆ. ಎಲ್ ಎಸ್ ಜಿ ಫ್ರಾಂಚೈಸಿಯಲ್ಲಿ ಹೂಡಿಕೆ ಮಾಡಿರುವ ಬೃಹತ್ ಮೊತ್ತವನ್ನು ಗಮನಿಸಿದರೆ ಅವರ ಪ್ರತಿಕ್ರಿಯೆಗಳು ಸರಿಯಾಗಿವೆ ಎಂದು ಶಮಿ ಅಭಿಪ್ರಾಯಪಟ್ಟಿದ್ದಾರೆ.

'ಅನ್‌ಪ್ಲಗ್ಡ್' ಪಾಡ್‌ಕ್ಯಾಸ್ಟ್‌ನಲ್ಲಿ ಪಾಲ್ಗೊಂಡು ಮಾತನಾಡಿದ ಮಹಮದ್ ಶಮಿ, 'ಗೋಯೆಂಕಾ ಫ್ರಾಂಚೈಸಿಯಲ್ಲಿ ಹೂಡಿಕೆ ಮಾಡಿರುವ ಬೃಹತ್ ಮೊತ್ತವನ್ನು ನೋಡಿದರೆ ಅವರ ಪ್ರತಿಕ್ರಿಯೆಗಳು ಮಾನ್ಯವಾಗಿವೆ. ಅವರು ಯಾರೇ ಆಗಿರಲಿ, ಅವರು ನಿಮ್ಮ ಮೇಲೆ ಇಷ್ಟು ದೊಡ್ಡ ಮೊತ್ತವನ್ನು ಹೂಡಿಕೆ ಮಾಡಿದಾಗ, ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿರುವುದು ಸಾಮಾನ್ಯ.

ಆದ್ದರಿಂದ ಗೋಯೆಂಕಾ ಅವರು ಅದರ ಬಗ್ಗೆ ಪೊಸೆಸಿವ್ ಆಗಿದ್ದರೆ ಯಾವುದೇ ತಪ್ಪಿಲ್ಲ. ಅವರು ತಮ್ಮ ಆಟಗಾರರು ಪ್ರದರ್ಶನ ನೀಡುತ್ತಾರೆ ಮತ್ತು ತಮ್ಮ ಅತ್ಯುತ್ತಮ ಪ್ರದರ್ಶನ ನೀಡುತ್ತಾರೆ ಎಂದು ನಿರೀಕ್ಷಿಸಿದರೆ, ಅದರಲ್ಲಿ ಯಾವುದೇ ಹಾನಿ ಇಲ್ಲ ಎಂದು ಹೇಳಿದ್ದಾರೆ.

ಅಂತೆಯೇ ಗೊಯೆಂಕಾ ಅವರು ಲಖ್ನೋ ತಂಡದಲ್ಲಿ ಹೂಡಿಕೆ ಮಾಡಿರುವ ಸಾವಿರಾರು ಕೋಟಿ ಬಿಡಿ.. ಯಾರಾದರೂ ಕೇವಲ 5,000 ರೂ.ಗಳನ್ನು ಹೂಡಿಕೆ ಮಾಡಿದರೂ ಸಹ ಇದೇ ರೀತಿ ಆತಂಕಕ್ಕೊಳಗಾಗುತ್ತಾರೆ.

ಸರಿಯಾಗಿಲ್ಲದ ಹಲವಾರು ಮೀಮ್‌ಗಳು ಮತ್ತು ವಿಷಯಗಳು ನಡೆಯುತ್ತಿವೆ. ನೀವು ಸಾಮಾನ್ಯ ವ್ಯಕ್ತಿಯನ್ನು ತೆಗೆದುಕೊಂಡರೆ, ಅವರು 5,000 ರೂಪಾಯಿಗಳನ್ನು ಏನನ್ನಾದರೂ ಹೂಡಿಕೆ ಮಾಡಿದರೂ ಸಹ, ಅವರ ಹೃದಯವು 'ನಾನು ರೂ 5,000 ಅಥವಾ ರೂ 10,000 ಕಳೆದುಕೊಂಡರೆ ಗತಿ ಏನು?' ಎಂದು ಯೋಚಿಸುತ್ತಿರುತ್ತಾರೆ ಎಂದು ನೇರವಾಗಿ ಗೊಯೆಂಕಾ ಅವರ ಬೆನ್ನಿಗೆ ನಿಂತಿದ್ದಾರೆ.

ತರ್ಕಬದ್ಧವಾಗಿ ಮಾತನಾಡುತ್ತಾರೆ

ಇದೇ ವೇಳೆ ವೈಯುಕ್ತಿಕ ಭೇಟಿ ಕುರಿತು ಮಾತನಾಡಿದ ಶಮಿ, 'ನಾನು ಇಲ್ಲಿಯವರೆಗೆ ಅವರೊಂದಿಗೆ ಎರಡು ಅಥವಾ ಮೂರು ಬಾರಿ ಮಾತ್ರ ಮಾತನಾಡಿದ್ದೇವೆ. ಅವರು ತುಂಬಾ ಚೆನ್ನಾಗಿ, ತರ್ಕಬದ್ಧವಾಗಿ ಮಾತನಾಡುತ್ತಾರೆ. ಸಂಭಾಷಣೆಗಳು ತಂಡದ ಸುತ್ತಲೇ ಇವೆ. ನಾನು ಇಲ್ಲಿಯವರೆಗೆ ಮಾಡಿರುವ ಅಲ್ಪಸ್ವಲ್ಪದಲ್ಲಿ ಅವರೊಂದಿಗೆ ಮಾತನಾಡುವುದನ್ನು ನಾನು ನಿಜವಾಗಿಯೂ ಆನಂದಿಸಿದೆ" ಎಂದು ಶಮಿ ಹೇಳಿದರು.