ಭಾನುವಾರ ಕೊಲಂಬೊದಲ್ಲಿ ಸಾಂಪ್ರದಾಯಿಕ ಎದುರಾಳಿ ಭಾರತದ ವಿರುದ್ಧ 61 ರನ್‌ಗಳ ಹೀನಾಯ ಸೋಲಿನ ನಂತರ ಪಾಕಿಸ್ತಾನದ ಆಟಗಾರರು ಡ್ರೆಸ್ಸಿಂಗ್ ರೂಮ್‌ನಲ್ಲಿ ಹೇಗಿದ್ದರು ಎಂಬುದರ ಕುರಿತು ಪಾಕ್ ಮುಖ್ಯ ಕೋಚ್ ಮೈಕ್ ಹಸ್ಸನ್ ಬಹಿರಂಗಪಡಿಸಿದ್ದಾರೆ. ಭಾರತವು T20 ವಿಶ್ವಕಪ್ 2026ರ ಗ್ರೂಪ್ A ಪಂದ್ಯದಲ್ಲಿ ಪ್ರಾಬಲ್ಯ ಸಾಧಿಸಿತು. ಇದಕ್ಕೂ ಮೊದಲು ಬಾಂಗ್ಲಾದೇಶಕ್ಕೆ ಬೆಂಬಲ ಸೂಚಿಸುವ ಸಲುವಾಗಿ ಪಾಕಿಸ್ತಾನ ಭಾರತ ವಿರುದ್ಧದ ಪಂದ್ಯವನ್ನು ಬಹಿಷ್ಕರಿಸಿತ್ತು. ಹೀಗಾಗಿ, ಪಾಕ್ ಟೀಂ ಇಂಡಿಯಾ ವಿರುದ್ಧ ಆಡುವ ಅನುಮಾನ ವ್ಯಕ್ತವಾಗಿತ್ತು. ಆದರೆ, ಹಾಲಿ ಚಾಂಪಿಯನ್ ಆಗಿರುವ ಭಾರತ, ಇದೀಗ ಪಾಕಿಸ್ತಾನವನ್ನು 114 ರನ್‌ಗಳಿಂದ ಸೋಲಿಸಿ ಪಂದ್ಯಾವಳಿಯಲ್ಲಿ ತನ್ನ ಅಜೇಯ ಓಟ ಮುಂದುವರಿಸಿದೆ.

'ಈ ಸಮಯದಲ್ಲಿ ಅಲ್ಲಿ ಸಾಕಷ್ಟು ನಿರಾಸೆ ಇದೆ. ಏಕೆಂದರೆ, ಈ ಸೋಲು ಎಷ್ಟು ಘಾಸಿ ಮಾಡಿದೆ ಎಂಬುದು ಪಾಕಿಸ್ತಾನಕ್ಕೆ ಅರ್ಥವಾಗಿದೆ' ಎಂದರು. ಕಳೆದ ವರ್ಷದ ಏಷ್ಯಾ ಕಪ್‌ನಲ್ಲಿ ಸತತ ಮೂರು ಸೋಲುಗಳ ಬಳಿಕ ಪಾಕಿಸ್ತಾನ ನಾಲ್ಕನೇ ಬಾರಿ ಭಾರತದ ಮುಂದೆ ಮಂಡಿಯೂರಿದೆ.

'ಭಾರತದ ವಿರುದ್ಧ ಪಾಕಿಸ್ತಾನ ಆಡುವುದು ಒಂದು ದೊಡ್ಡ ಘಟನೆ ಎಂಬುದು ನಮಗೆ ತಿಳಿದಿದೆ. ಈ ಪಂದ್ಯಕ್ಕೂ ಮುನ್ನ ನಾವು ಬೌನ್ಸ್‌ನಲ್ಲಿ ಐದು ಪಂದ್ಯಗಳನ್ನು ಗೆದ್ದಿದ್ದೇವೆ ಆದ್ದರಿಂದ ನಾವು ಆತ್ಮವಿಶ್ವಾಸದಿಂದ ಇದ್ದೆವು. ಆದರೆ, ಇಂದು ನಾವು ಔಟ್‌ಪ್ಲೇ ಮಾಡಿದ್ದೇವೆ' ಎಂದು ಹಸ್ಸನ್ ಹೇಳಿದರು.

ಟೀಂ ಇಂಡಿಯಾದ ಸ್ಟಾರ್ ಬ್ಯಾಟರ್ ಅಭಿಷೇಕ್ ಶರ್ಮಾ ಮೊದಲ ಒವರ್‌ನಲ್ಲಿಯೇ ಡಕೌಟ್ ಆದ ನಂತರ ಇಶಾನ್ ಕಿಶಾನ್ ಪಾಕ್ ಬೌಲರ್‌ಗಳನ್ನು ತರಾಟೆಗೆ ತೆಗೆದುಕೊಂಡರು. ಭರ್ಜರಿ ಅರ್ಧಶತಕದ (77) ಮೂಲಕ ಭಾರತಕ್ಕೆ ಅಡಿಪಾಯ ಹಾಕಿದರು. ನಂತರ ಸೂರ್ಯಕುಮಾರ್ ಯಾದವ್ (32) ಮತ್ತು ಶಿವಂ ದುಬೆ (27) ಈ ಮೊತ್ತವನ್ನು ಮುಂದಕ್ಕೆ ಕೊಂಡೊಯ್ದರು.

ಪಾಕಿಸ್ತಾನದ ಇನಿಂಗ್ಸ್ ವೇಳೆ ಭಾರತದ ಜಸ್ಪ್ರೀತ್ ಬುಮ್ರಾ ಸೈಮ್ ಅಯೂಬ್ (6) ಮತ್ತು ನಾಯಕ ಸಲ್ಮಾನ್ ಅಲಿ ಅಘಾ (4) ಅವರನ್ನು ತೆಗೆದುಹಾಕುವುದರೊಂದಿಗೆ ಪಾಕಿಸ್ತಾನ 13-3ಕ್ಕೆ ಕುಸಿಯಿತು.

ಉಸ್ಮಾನ್ ಖಾನ್ 44 ರನ್ ಗಳಿಸಿ ಅಗ್ರ ಸ್ಕೋರರ್ ಆಗಿದ್ದು ಬಿಟ್ಟರೆ ಬೇರೆ ಯಾವುದೇ ಬ್ಯಾಟ್ಸಮನ್ ರನ್ ಕಲೆಹಾಕಲಿಲ್ಲ. ಹೀಗಾಗಿ, ಪಾಕಿಸ್ತಾನ 18 ಓವರ್‌ಗಳಲ್ಲಿಯೇ ಕೇವಲ 114 ರನ್‌ಗಳಿಗೆ ಆಲೌಟ್ ಆಯಿತು. ಇದು ಅವರ ಎಲ್ಲ T20 ಗಳಲ್ಲಿ ಭಾರತದ ವಿರುದ್ಧ ಮೂರನೇ ಕಡಿಮೆ ಮೊತ್ತವಾಗಿತ್ತು.

ಈ ಕ್ರೀಡಾಂಗಣದಲ್ಲಿ ಹಿಂದಿನ ಮೂರು ಪಂದ್ಯಗಳಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ತಂಡವೇ ಗೆದ್ದಿದ್ದರೂ, ಪಾಕಿಸ್ತಾನ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡಿದ್ದನ್ನು ಕೋಚ್ ಹೆಸ್ಸನ್ ಸಮರ್ಥಿಸಿಕೊಂಡರು.

'ಆರಂಭದಲ್ಲಿ ಚೆಂಡು ಸಾಕಷ್ಟು ಸ್ಪಿನ್ ಆಗುತ್ತಿದೆ ಎಂದು ನಾನು ಭಾವಿಸುತ್ತೇನೆ ಮತ್ತು ನಾವು ಉತ್ತಮವಾಗಿ ಪ್ರಾರಂಭಿಸಿದ್ದೇವೆ. ಆದರೆ, ಇಶಾನ್ ಕಿಶನ್ ಆಡಿದ ರೀತಿಯಿಂದಾಗಿ ಮೊಮೆಂಟಮ್ ನಮ್ಮಿಂದ ಕೈಜಾರಿತು ಎಂದು ನಾನು ಭಾವಿಸುತ್ತೇನೆ. ನಾವು ನಮ್ಮನ್ನು ಸುಧಾರಿಸಿಕೊಳ್ಳಬೇಕು. ಎರಡು ಅಥವಾ ಮೂರು ದಿನಗಳಲ್ಲಿ ನಾವು ಉತ್ತಮವಾಗಿದ್ದೇವೆ ಎಂದು ಖಚಿತಪಡಿಸಿಕೊಳ್ಳಬೇಕು. ಈ ವಿಶ್ವಕಪ್‌ಗೆ ಮುನ್ನ ನಾವು ಕೆಲವು ಉತ್ತಮ ಕ್ರಿಕೆಟ್ ಆಡಿದ್ದೇವೆ. ಆದ್ದರಿಂದ ಪಂದ್ಯಾವಳಿಯಲ್ಲಿ ಉತ್ತಮ ಪ್ರದರ್ಶನ ನೀಡುವ ವಿಶ್ವಾಸವಿದೆ' ಎಂದರು.

ಈ ಗೆಲುವಿನ ಮೂಲಕ ಭಾರತ ಆಡಿರುವ ಮೂರು ಪಂದ್ಯಗಳಲ್ಲಿಯೂ ಗೆಲುವು ಸಾಧಿಸುವ ಮೂಲಕ ಆರು ಅಂಕಗಳೊಂದಿಗೆ ಸೂಪರ್ 8 ಹಂತಕ್ಕೆ ತಲುಪಿದೆ. ಇತ್ತ ಪಾಕಿಸ್ತಾನವು ಬುಧವಾರ ನಮೀಬಿಯಾ ವಿರುದ್ಧ ತನ್ನ ಕೊನೆಯ ಪಂದ್ಯವನ್ನು ಗೆಲ್ಲಬೇಕಾಗಿದೆ.

ಈ ಮೂಲಕ ಪಾಕಿಸ್ತಾನವು ವಿಶ್ವಕಪ್ ಪಂದ್ಯಾವಳಿಯಲ್ಲಿ ಆಡಿರುವ 9 ಪಂದ್ಯಗಳಲ್ಲಿ ಕೇವಲ ಒಂದರಲ್ಲಿ ಗೆಲುವು ಸಾಧಿಸಿದ್ದು, ಭಾರತವೇ ಪ್ರಾಬಲ್ಯ ಸಾಧಿಸಿದೆ.