2026ರ T20 ವಿಶ್ವಕಪ್ನ ಅಂತಿಮ ಸೂಪರ್ 8 ಪಂದ್ಯದಲ್ಲಿ ಭಾರತದ ವಿರುದ್ಧ ಮೊದಲು ಬ್ಯಾಟ್ ಮಾಡಿದ ವೆಸ್ಟ್ ಇಂಡೀಸ್ ನಿಗದಿತ ಓವರ್ಗಳಲ್ಲಿ 4 ವಿಕೆಟ್ಗಳ ನಷ್ಟಕ್ಕೆ 195 ರನ್ ಗಳಿಸಿದೆ. ರೋಸ್ಟನ್ ಚೇಸ್ ಮತ್ತು ಶಾಯ್ ಹೋಪ್ 53 ಎಸೆತಗಳಲ್ಲಿ 68 ರನ್ಗಳ ಆರಂಭಿಕ ಜೊತೆಯಾಟದೊಂದಿಗೆ ವೆಸ್ಟ್ ಇಂಡೀಸ್ಗೆ ಉತ್ತಮ ಆರಂಭ ನೀಡಿದರು. 32 ರನ್ ಗಳಿಸಿದ್ದ ಹೋಪ್ ಅವರನ್ನು ಔಟ್ ಮಾಡಿ ವರುಣ್ ಚಕ್ರವರ್ತಿ ವಿಂಡೀಸ್ ಗೆ ಮೊದಲ ಆಘಾತ ನೀಡಿದರು. ಬುಮ್ರಾ ಒಂದೇ ಓವರ್ನಲ್ಲಿ ಶಿಮ್ರಾನ್ ಹೆಟ್ಮೈಯರ್ (27) ಮತ್ತು ರೋಸ್ಟನ್ ಚೇಸ್ (40) ಅವರನ್ನು ಔಟ್ ಮಾಡಿದರು. ಹಾರ್ದಿಕ್ ಪಾಂಡ್ಯ ರುದರ್ಫೋರ್ಡ್ ಅವರನ್ನು ಔಟ್ ಮಾಡಿದರು.
ವೆಸ್ಟ್ ಇಂಡೀಸ್ 4 ವಿಕೆಟ್ಗಳ ನಷ್ಟಕ್ಕೆ 195 ರನ್ ಗಳಿಸಿ ಭಾರತಕ್ಕೆ ಗೆಲ್ಲಲು 196 ರನ್ಗಳ ಗುರಿಯನ್ನು ನೀಡಿದೆ. ಸೆಮಿಫೈನಲ್ ತಲುಪಲು ಭಾರತ ಇತಿಹಾಸ ನಿರ್ಮಿಸಬೇಕಾಗಿದೆ. ಈಡನ್ ಗಾರ್ಡನ್ಸ್ನಲ್ಲಿ ಟೀಮ್ ಇಂಡಿಯಾದ ಅತ್ಯಧಿಕ ರನ್ ಚೇಸ್ 158. ಭಾರತದ ನಾಯಕ ಸೂರ್ಯಕುಮಾರ್ ಯಾದವ್ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ಆಯ್ಕೆ ಮಾಡಿಕೊಂಡಿತ್ತು.