ಮುಂಬೈ: ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಸಿಸಿ ಟಿ-20 ವಿಶ್ವಕಪ್ ಟೂರ್ನಿಯ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿಯೂ ಸಂಜು ಸ್ಯಾಮ್ಸನ್ ಆಕರ್ಷಕ ಎರಡನೇ ಅರ್ಧಶತಕ ಸಿಡಿಸುವ ಮೂಲಕ ಇಂಗ್ಲೆಂಡ್ ತಂಡ ಗೆಲ್ಲಲು 254 ರನ್ ಗಳ ಬೃಹತ್ ಟಾರ್ಗೆಟ್ ನ್ನು ಭಾರತ ನೀಡಿದೆ.
ಹೌದು. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ, ಮೈದಾನದಲ್ಲಿ ಕಿಕ್ಕಿರಿದು ತುಂಬಿದ ಅಭಿಮಾನಿಗಳಲ್ಲಿ ರಸದೌತಣ ಉಣಬಡಿಸಿತು. ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದ ಸಂಜು ಸ್ಯಾಮ್ಸನ್ ಇಂದಿನ ಪಂದ್ಯದಲ್ಲೂ ಅತ್ಯುತ್ತಮ ಪ್ರದರ್ಶನ ನೀಡಿದರು.
42 ಎಸೆತಗಳಲ್ಲಿ 7 ಸಿಕ್ಸರ್, 8 ಬೌಂಡರಿಗಳೊಂದಿಗೆ 89 ರನ್ ಗಳಿಸಿದರು. ಆದರೆ 11 ರನ್ ಗಳಿಂದ ಎರಡನೇ ಬಾರಿಗೆ ಶತಕದ ಅಂಚಿನಲ್ಲಿ ಎಡವಿದರು.
ಅಭಿಷೇಕ್ ಶರ್ಮಾ ಮತ್ತೆ ವೈಫಲ್ಯಕ್ಕೊಳಗಾದರು. ಕೇವಲ 9 ರನ್ ಗಳಿಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಬಳಿಕ ಬಂದ ಇಶಾನ್ ಕಿಶಾನ್ 39, ಶಿವಂದುಬೆ 43, ನಾಯಕ ಸೂರ್ಯ ಕುಮಾರ್ ಯಾದವ್ 11 ರನ್ ಗಳಿಸಿ ರಶೀದ್ ಬೌಲಿಂಗ್ ನಲ್ಲಿ ಸ್ಟಂಪ್ ಔಟ್ ಆದರು.
ಕೊನೆಯಲ್ಲಿ ಹಾರ್ದಿಕ್ ಪಾಂಡ್ಯ 27 ಹಾಗೂ ತಿಲಕ್ ವರ್ಮಾ 21 ರನ್ ಗಳೊಂದಿಗೆ ಭಾರತದ ಸ್ಕೋರ್ ನ್ನು 250 ರ ಗಡಿ ದಾಟಿಸಿದರು. ಆಕ್ಸರ್ ಪಟೇಲ್ 2 ಎರಡು ರನ್ ಗಳಿಸುವುದರೊಂದಿಗೆ ಭಾರತ ತಂಡ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 253 ರನ್ ಗಳಿಸಿತು.
ಇಂಗ್ಲೆಂಡ್ ಪರ ಪರ ವಿಲ್ ಜಾಕ್ಸ್, ಅದಿಲ್ ರಶೀದ್ ತಲಾ ವಿಕೆಟ್ ಪಡೆದರೆ ಜೋಫ್ರಾ ಅರ್ಚರ್ 1 ವಿಕೆಟ್ ಗಳಿಸಿದರು.