ಲಾಹೋರ್: ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಗೆ ಮತ್ತೊಂದು ಆಘಾತ ಎದುರಾಗಿದ್ದು, ಆಟಗಾರರ ಬೆನ್ನಲ್ಲೇ ಇದೀಗ ಪಿಎಸ್ಎಲ್ ನ ಕಮೆಂಟರಿ ಪ್ಯಾನಲ್ ಗೆ ಆಯ್ಕೆಯಾಗಿದ್ದ ಕೆಮೆಂಟೇಟರ್ ಕೂಡ ಐಪಿಎಲ್ ಗೆ ಶಿಫ್ಟ್ ಆಗಿದ್ದಾರೆ.
ಹೌದು.. ಪಾಕಿಸ್ತಾನ ಸೂಪರ್ ಲೀಗ್ ಆರಂಭವಾದಾಗಿನಿಂದ ಆ ಟೂರ್ನಿಯಿಂದ ಹೊರಬರುತ್ತಿರುವ ಆಟಗಾರರ ಸಂಖ್ಯೆ ಏರಿಕೆಯಾಗುತ್ತಲೇ ಇದೆ. ಇನ್ನೂ ಅಚ್ಚರಿ ಎಂದರೆ ಇದೀಗ ಆಟಗಾರರು ಮಾತ್ರವಲ್ಲ ಅಂಪೈರ್ ಗಳೂ ಕೂಡ ಪಿಎಸ್ಎಲ್ ಬಿಟ್ಟು ಐಪಿಎಲ್ ನತ್ತ ಮುಖ ಮಾಡಿದ್ದಾರೆ.
ಇಂಗ್ಲೆಂಡ್ನ ಮಾಜಿ ಸ್ಟಾರ್ ಆಟಗಾರ ನಿಕ್ ನೈಟ್ ಇದೀಗ ಪಿಎಸ್ಎಲ್ ತೊರೆದು ಐಪಿಎಲ್ ಗಾಗಿ ಭಾರತಕ್ಕೆ ಬರುತ್ತಿದ್ದಾರೆ. ಇಲ್ಲಿ ಐಪಿಎಲ್ ನಲ್ಲಿ ಕಮೆಂಟರಿ ಮಾಡಲಿದ್ದಾರೆ. ಈ ಕುರಿತು ಸ್ಟಾರ್ ಸ್ಪೋರ್ಟ್ಸ್ ಮಾಹಿತಿ ನೀಡಿದ್ದು, ಸ್ಟಾರ್ ಸ್ಪೋರ್ಟ್ಸ್ ಐಪಿಎಲ್ ಕಾಮೆಂಟರಿ ಪ್ಯಾನೆಲ್ನಲ್ಲಿಯೂ ಹೆಸರಿಸಿ ಟ್ವೀಟ್ ಮಾಡಲಾಗಿದೆ.
ಇಕ್ಕಟ್ಟಿನಲ್ಲಿ ಮೊಹ್ಸಿನ್ ನಖ್ವಿ
ಇನ್ನು ಈಗಾಗಲೇ ಪ್ರೇಕ್ಷಕರೇ ಇಲ್ಲದೇ ಪಿಎಸ್ಎಲ್ ಟೂರ್ನಿಯನ್ನು ಆಡಿಸಲಾಗುತ್ತಿದ್ದು, ಇದರಿಂದ ಪಾಕಿಸ್ತಾನ ಕ್ರಿಕೆಟ್ ಸಂಸ್ಥೆಗೆ ಸಾಕಷ್ಟು ನಷ್ಟ ಎದುರಾಗಿದೆ.
ಇದರ ನಡುವೆ ಆಟಗಾರು ಮತ್ತು ಸಿಬ್ಬಂದಿಗಳು ಐಪಿಎಲ್ ಗೆ ಶಿಫ್ಟ್ ಆಗುತ್ತಿರುವುದು ಪಿಸಿಬಿ ಅಧ್ಯಕ್ಷ ಮೊಹ್ಸಿನ್ ನಖ್ವಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ.