ಬೆಳಗಾವಿ: ಸರ್ವಿಸ್ ಮ್ಯಾನ್ ನ ನಿರ್ಲಕ್ಷ್ಯದಿಂದ ಬೆಂಗಳೂರಿನಿಂದ ಬೆಳಗಾವಿಗೆ ಬರುತ್ತಿದ್ದ ಸ್ಪೈಸ್ ಜೆಟ್ ವಿಮಾನ ಲ್ಯಾಂಡಿಂಗ್ ಮಾಡಲು ಸಾಧ್ಯವಾಗದೆ ಒಂದು ಗಂಟೆ ಕಾಲ ಅಕಾಶದಲ್ಲಿಯೇ ಸುತ್ತಾಡಿದ ಘಟನೆ ಬೆಳಗಾವಿಯ 2/21/2015ದಲ್ಲಿ ಶುಕ್ರವಾರ ರಾತ್ರಿ ಸಂಭಿವಿಸಿದೆ.

ಬೆಂಗಳೂರಿನಿಂದ ಬೆಳಗಾವಿಗೆ ಬರುತ್ತಿದ್ದ ಸ್ಪೈಸ್ ವಿಮಾನ ನಿಗದಿಯಂತೆ 7.30ಕ್ಕೆ ಬೆಳಗಾವಿಯ ಸಾಂಬ್ರಾ ವಿಮಾನ ನಿಲ್ದಾಣದಲ್ಲಿ ಇಳಿಯಬೇಕಿತ್ತು. ಆದರೆ, ರನ್ ವೇ ಕುರಿತಂತೆ ಸಿಗ್ನಲ್ ತೋರಿಸುವ ಸಾಧನ ಹಾಗೂ ಲೈಟ್ ಅನ್ನು ಸಕಾಲಕ್ಕೆ ಹಾಕಬೇಕಾದ ಸರ್ವೀಸ್ ಮ್ಯಾನ್ ಈ ಸಮಯದಲ್ಲಿ ನಿಲ್ದಾಣದಲ್ಲಿ ಇರಲಿಲ್ಲ ಎನ್ನಲಾಗಿದೆ.

ಇದರಿಂದ ವಿಮಾನದ ಪೈಲೆಟ್ ಗೆ ಸರಿಯಾಗಿ ಸಿಗ್ನಲ್ ಸಿಗದೇ ರನ್ ವೇಯಲ್ಲಿ ವಿಮಾನ ಇಳಿಸಲು ಸಾಧ್ಯವಾಗಲಿಲ್ಲ. ಸುಮಾರು 1 ಗಂಟೆ ಕಾಲ ಆಕಾಶದಲ್ಲಿಯೇ ಸುತ್ತಾಡಿದ ವಿಮಾನ ಬಳಿಕ 8.30ರ ಹೊತ್ತಿಗೆ ಇಳಿಯಿತು. ಸರ್ವಿಸ್ ಮ್ಯಾನ್ ಸರಿಯಾದ ಸಮಯಕ್ಕೆ ಸಿಗ್ನಲ್ ಸಾಧನ ಅಳವಡಿಸದೇ ಇದ್ದುದೇ ಈ ಅಚಾತುರ್ಯಕ್ಕೆ ಕಾರಣವೆಂದು ವಿಮಾನ ನಿಲ್ದಾಣದ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಈ ವಿಮಾನದಲ್ಲಿ ಬೆಂಗಳೂರಿನಿಂದ 75 ಜನರು ಬೆಳಗಾವಿಗೆ ಬಂದಿದ್ದರು. ಇದೇ ವಿಮಾನ ಮರಳಿ 9.00 ಗಂಟೆಗೆ ವಾಪಸ್ ಬೆಂಗಳೂರಿನತ್ತ ತೆರಳಿದ್ದು 65 ಜನ ಈ ವಿಮಾನದಲ್ಲಿ ಪ್ರಯಾಣಿಸಿದ್ದಾರೆ. ವಿಮಾನದಲ್ಲಿ ಯಾವುದೇ ತಾಂತ್ರಿಕ ದೋಷ ಇರಲಿಲ್ಲ.