ಬೆಂಗಳೂರು: ನಾಲ್ಕು ಕಿಲೋಮೀಟರ್ಗೆ ಕೇವಲ ರು. 49ರ ದರದಲ್ಲಿ ಪ್ರಯಾಣಿಕರನ್ನು ಕರೆದೊಯ್ಯುವ ಸೇವೆ ಪ್ರಾರಂಭಿಸಿದ ಬೆನ್ನಲ್ಲೇ ಟ್ಯಾಕ್ಸಿ ಫಾರ್ ಶ್ಯೂರ್ ಸಂಸ್ಥೆ ನಗರದಲ್ಲಿ ಆಟೋಗಳನ್ನು ಕೂಡ ಆರಂಭಿಸಿದೆ.
500 ಆಟೋಗಳೊಂದಿಗೆ ಈ ಯೋಜನೆಯನ್ನು ಪ್ರಾರಂಭಿಸಿದ್ದು, 2ರಿಂದ 3 ವಾರಗಳಲ್ಲಿ ಸಾವಿರ ಆಟೋಗಳನ್ನು ಮೀರುವ ಗುರಿ ಹೊಂದಿದೆ. ಟ್ಯಾಕ್ಸಿ ಫಾರ್ ಶ್ಯೂರ್ ಮೊಬೈಲ್ ಆ್ಯಪ್ನಲ್ಲಿ 1ನ್ನು ಕ್ಲಿಕ್ಕಿಸಿದರೆ ಸಾಕು, ಆಟೋ ಪ್ರತ್ಯಕ್ಷ.
ರು. 49 ದರದಲ್ಲಿ ಟ್ಯಾಕ್ಸಿ ಸೇವೆ ಒದಗಿಸಿದ ಹಿನ್ನೆಲೆಯಲ್ಲಿ ಗ್ರಾಹಕರು ಹೆಚ್ಚಾಗಿದ್ದಾರೆ. ನಗರದಲ್ಲಿ 4 ಸಾವಿರ ಟ್ಯಾಕ್ಸಿಗಳನ್ನು ಹೊಂದಿದ್ದರೂ ಗ್ರಾಹಕರ ಬೇಡಿಕೆ ಪೂರೈಸಲು ಕಷ್ಟವಾಗುತ್ತಿದೆ.
ಆಟೋ ಚಾಲಕರಿಗೆ ಅನುಕೂಲ ಮಾಡಿಕೊಡುವ ದೃಷ್ಟಿಯಿಂದ ಆಟೋ ಸೇವೆಯನ್ನು ಪ್ರಾರಂಭಿಸಲಾಗಿದೆ ಎಂದು ಸಂಸ್ಥೆಯ ಸಹ ಸಂಸ್ಥಾಪಕ ಜಿ. ರಘುನಂದನ್ ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
ಆಟೋಗಳು ಹಸಿರು ಬಣ್ಣದ್ದಾಗಿರುತ್ತದೆ. ಪ್ರತಿ ಕಿಲೋ ಮೀಟರ್ಗೆ ಬೇರೆ ಆಟೋಗಳ ಹಾಗೆ ರು. 25ನ್ನು ನೀಡಬೇಕಾಗುತ್ತದೆ ಜತೆಗೆ ರು. 10ನ್ನು ಶುಲ್ಕವೆಂದು ಆಟೋ ಬಾಡಿಗೆಯ ಮೇಲೆ ನೀಡಬೇಕಾಗುತ್ತದೆ. ಬಸ್ ನಿಲ್ದಾಣ ಮುಂತಾದ ಪ್ರಮುಖ ಸ್ಥಳಗಳಲ್ಲಿ ಮಾತ್ರವಲ್ಲದೆ ಗ್ರಾಹಕರ ಮನೆಯವರೆಗೂ ತನ್ನ ಸೇವೆಯನ್ನು ನೀಡುತ್ತದೆ.
ತ್ರಿ ವೀಲ್ಸ್ ಯುನೈಟೆಡ್ ಸಹಯೋಗದೊಂದಿಗೆ ಪ್ರಾರಂಭಿಸಿರುವ ಆಟೋಗಳು ಗ್ರಾಹಕರು ಕರೆದಲ್ಲಿಗೆ ಬರುತ್ತದೆ. ಗ್ರಾಹಕರು ಹೋಗಲು ಇಚ್ಛಿಸುವ ಸ್ಥಳಗಳಿಗೆ ಯಾವುದೇ ಷರತ್ತುಗಳಿಲ್ಲದೆ ಕೊಂಡೊಯ್ಯುತ್ತವೆ.
ಆಟೋ ಸೇವೆಯ ವೈಶಿಷ್ಟ
ಚಾಲಕರಿಗೆ ಅನುಕೂಲವಾಗಲೆಂದು ಆ್ಯಪ್ ಬಹುಬಾಷೆಯಲ್ಲಿರುತ್ತದೆ. ಇಂಗ್ಲಿಷ್, ಹಿಂದಿ, ಕನ್ನಡ ಹೀಗೆ ತಮಗೆ ಅನುಕೂಲವಾದ ಭಾಷೆಯಲ್ಲಿ ಓದಬಹುದು ಮತ್ತು ಗ್ರಾಹಕರ ಸ್ಥಳಕ್ಕೆ ಸರಾಗವಾಗಿ ತಲುಪಬಹುದು.
ಚಾಲಕರ ಬಗ್ಗೆ ವಿವರಗಳನ್ನು, ರೇಟಿಂಗ್ಗಳನ್ನು ಕೊಡುತ್ತದೆ. ಬಳಕೆದಾರರು ಚಾಲಕರ ಬಗ್ಗೆ ತಮ್ಮದೇ ಆದ ರೇಟಿಂಗ್ ಮತ್ತು ಸೇವೆಯ ಬಗೆಗಿನ ವರದಿ ಕೊಡಬಹುದು. ಬುಕಿಂಗ್ ರಗಳೆ ಇಲ್ಲ. ಮೊಬೈಲ್ ಆ್ಯಪ್, ವೆಬ್ಸೈಟ್ ಮತ್ತು 50501010ಗೆ ಕರೆ ಮಾಡಿ ಕಾಲ್ಸೆಂಟರ್ ಮೂಲಕ ಬುಕ್ ಮಾಡಬಹುದು.
ಆ್ಯಂಡ್ರಾಯ್ಡ್, ಫೈರ್ಫಾಕ್ಸ್ ಆಪರೇಟಿಂಗ್ ಸಿಸ್ಟಂ ಹಾಗೂ ವಿಂಡೋಸ್ ಫೋನ್ಗಳ ಮೂಲಕ ಆ್ಯಪ್ ಬಳಸಿ ಕೇವಲ 15 ಸೆಕಂಡ್ಗಳಲ್ಲಿ ಆಟೋ ಬುಕ್ ಮಾಡಬಹುದು. ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಲು-ಗಿಗಿಗಿ.ಖಿಋಖ.ಂಘ/ಆಕಿಕಿ