ಮಾಗಡಿ: ಆದಿಚುಂಚನ ಶ್ರೀಗಳ ಸಾಮಾಜಿಕ, ಧಾರ್ಮಿಕ, ಶೈಕ್ಷಣಿಕ ಹಾಗೂ ಪರಿಸರ ಕಾಳಜಿ  ಜೊತೆಗೆ ಮಾನವೀಯ ಸೇವೆ ಅವಿಸ್ಮರಣೀಯವಾದುದು ಎಂದು ಗುಡೇಮಾರನಹಳ್ಳಿ ಗ್ರಾಮ ಪಂಚಾಯ್ತಿ ಅಧ್ಯಕ್ಷೆ ಮಂಜುಳ ಗೋಪಾಲಕೃಷ್ಣ ನುಡಿದರು.
   ಅವರು ಗುಡೇಮಾರನಹಳ್ಳಿ ಮಾರುತಿ ಸಮುದಾಯ ಭವನದಲ್ಲಿ ಏರ್ಪಡಿಸಿದ್ದ ಆದಿಚುಂಚನಗಿರಿ ಶ್ರೀಗಳ ಶ್ರದ್ಧಾಂಜಲಿ ಕಾರ್ಯಕ್ರಮದಲ್ಲಿ ಆದಿಶ್ರೀಗಳ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿ ಮಾತನಾಡಿ ಚುಂಚನಗಿರಿಯನ್ನು ಚಿನ್ನದ ಗಿರಿಯನ್ನಾಗಿಸಿದ ಮಹಾಸಂತ, ಆವರ ಮಾರ್ಗದರ್ಶನದಲ್ಲಿ ನಾವೆಲ್ಲರೂ ನಡೆಯೋಣ ಎಂದರು.    ಮಾರುತಿ ಸಮುದಾಯ ಭವನದ ಅಧ್ಯಕ್ಷ ಜಿ.ಎಂ. ಲೆಂಕಪ್ಪ ಅಧ್ಯಕ್ಷತೆ ವಹಿಸಿ ಮಾತನಾಡಿ ಶ್ರೀಗಳ ಸಾಮಾಜಿಕ, ಧಾರ್ಮಿಕ, ಶೈಕ್ಷಣಿಕ  ಅನನ್ಯ ಸೇವೆ ಸ್ಮರಿಸಿದರು.    ವೆಂಕಟರಾಮಯ್ಯ, ಮಂಜುನಾಥ್, ಹೊಸಳಪ್ಪ, ಜಿ.ಸಿ. ಬಸವರಾಜು, ಗೋಪಾಲಕೃಷ್ಣ, ಕಂಬದ ನರಸಿಂಹಯ್ಯ, ಗಂಗಾಧರಯ್ಯ, ಗಂಗಯ್ಯ, ನಾಗರಾಜು, ಸುರೇಶ್, ಮೂರ್ತಿ ಸೇರಿದಂತೆ ಅನೇಕ ಭಕ್ತರು, ಶಿಕ್ಷಕರು, ಮಕ್ಕಳು ಭಾಗವಹಿಸಿದ್ದರು.