ಬೆಳಗಾವಿ: ಬೆಳಗಾವಿ ಜಿಲ್ಲೆಯಲ್ಲಿ ಶುಕ್ರವಾರ ದ್ವಿತೀಯ ಪಿಯುಸಿ ಅರ್ಥಶಾಸ್ತ್ರ ಪರೀಕ್ಷೆಯಲ್ಲಿ ನಕಲು ಮಾಡುತ್ತಿದ್ದ ಮೂವರು ವಿದ್ಯಾರ್ಥಿಗಳನ್ನು ಡಿಬಾರ್ ಮಾಡಲಾಗಿದೆ. ಹುಕ್ಕೇರಿ ತಾಲೂಕಿನ ಪಾಶ್ಚಾಪುರ-1, ಬೆಳಗಾವಿ ತಾಲೂಕಿನ ಕೆ.ಕೆ.ಕೊಪ್ಪ- 1, ಗೋಕಾಕದಲ್ಲಿ-1 ಹೀಗೆ ಒಟ್ಟು ಮೂವರು ವಿದ್ಯಾರ್ಥಿಗಳನ್ನು ಡಿಬಾರ್ ಮಾಡಲಾಗಿದೆ ಎಂದು ಬೆಳಗಾವಿ ಪದವಿಪೂರ್ವ ಹಾಗೂ ವೃತ್ತಿ ಶಿಕ್ಷಣ ಇಲಾಖೆ ಉಪನಿರ್ದೇಶಕರು ತಿಳಿಸಿದ್ದಾರೆ.
ಶಿಕ್ಷಕ ಬಜಂತ್ರಿ ಅಮಾನತು
ಕಾಗವಾಡ: ಕಾಗವಾಡ ಕ್ಷೇತ್ರ ಶಿಕ್ಷಣಾಧಿಕಾರಿ ವ್ಯಾಪ್ತಿಂುಲ್ಲಿ ಬರುವ ಶೇಡಬಾಳ ಸ್ಟೇಶನ ಮರಾಠಿ ಪ್ರಾಥಮಿಕ ಶಾಲೆಂು ಕನ್ನಡ ವಿಷಂು ಶಿಕ್ಷಕ ಕೆ.ಪಿ. ಭಜಂತ್ರಿ ಅವರನ್ನು  ಚಿಕ್ಕೋಡಿ ಡಿಡಿಪಿಐ ಡಿ. ಎಂ. ದಾನೋಜಿ ಅವರು ಶುಕ್ರವಾರ ಅಮಾನತಗೊಳಿಸಿ ಆದೇಶ ಹೊರಡಿಸಿದ್ದಾರೆ. ಶಿಕ್ಷಕರಾದ ಕೆ.ಪಿ.ಭಜಂತ್ರಿ ಶೇಡಬಾಳ ಪ್ರಾಥಮಿಕ ಶಾಲೆಂುಲ್ಲಿ ಅನಧಿಕೃತವಾಗಿ ಸತತ10 ತಿಂಗಳ ಗೈರು ಹಾಜರು ಇದ್ದು, ಅವರ ಮೇಲೆ ಸಿಸಿಎ 10 ಬಿ ಪ್ರಕಾರ ಅಮಾನತುಗೊಳಿಸಲಾಗಿದೆ ಎಂದು ಕಾಗವಾಡ ಬಿಇಓ ಮೋಹನ ಜಿರಗಿಹಾಳ ಪತ್ರಕರ್ತರಿಗೆ ತಿಳಿಸಿದರು.
ಇಂದು ನೀರು ವ್ಯತ್ಯಯ
ಬೆಳಗಾವಿ: ನಗರಕ್ಕೆ ನೀರು ಸರಬರಾಜು ಮಾಡುವ ತುಮ್ಮರಗುದ್ದಿ ಯಂತ್ರಗಾರದ ಹತ್ತಿರ ಕೊಳವೆ ಮಾರ್ಗದಲ್ಲಿ ಸೋರಿಕೆ ಉಂಟಾದ ಪರಿಣಾಮ ಬೆಳಗಾವಿ ಉತ್ತರ ಭಾಗದ ಕಿತ್ತೂರು ಚನ್ನಮ್ಮ ವೃತ್ತದ ಕೆಳಗಿನ ಪ್ರದೇಶದಲ್ಲಿ ಮಾ.16ರ ಬದಲಾಗಿ 17ರಂದು ನೀರು ಸರಬರಾಜು ಮಾಡಲಾಗುವುದು ಎಂದು ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳ ಚರಂಡಿ ಮಂಡಳಿಯ ಸಹಾಯಕ ಕಾರ್ಯಪಾಲಕ ಅಭಿಯಂತರರು ತಿಳಿಸಿದ್ದಾರೆ.
ಭರತನಾಟ್ಯದಲ್ಲಿ ಸಾಧನೆ
ಬೆಳಗಾವಿ: ಬೆಂಗಳೂರಿನಲ್ಲಿ ಇತ್ತೀಚೆಗೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ವತಿಯಿಂದ ಆಯೋಜಿಸಿದ್ದ ರಾಜ್ಯ ಮಟ್ಟದ ಕಲಾ ಪ್ರತಿಭೋತ್ಸವದ ಕಿಶೋರ ಪ್ರತಿಭೆ ವಿಭಾಗದ ಭರತನಾಟ್ಯ ಸ್ಪರ್ಧೆಯಲ್ಲಿ ವಿಶಾಖಾ ಎಂ. ಹೆಗಡೆ ಪ್ರಥಮ ಸ್ಥಾನ ಪಡೆದಿದ್ದಾಳೆ. ವಿಶಾಖಾ 9 ವರ್ಷಗಳಿಂದ ಬೆಳಗಾವಿಯ ಶಾಂತಲಾ ನಾಟ್ಯಾಲಯದಲ್ಲಿ ಭರತನಾಟ್ಯ ಅಭ್ಯಾಸ ಮಾಡುತ್ತಿದ್ದು, ಡಿವೈನ್ ಪ್ರೋವಿಡನ್ಸ್ ಕಾನ್ವೆಂಟ್ ಪ್ರೌಢಶಾಲೆಯ 10ನೇ ತರಗತಿ ವಿದ್ಯಾರ್ಥಿನಿ. ಈ ವಿದ್ಯಾರ್ಥಿನಿ ಸಾಧನೆಗೆ ಶಾಲಾ ಆಡಳಿತ ಮಂಡಳಿ ಮೆಚ್ಚುಗೆ ವ್ಯಕ್ತಪಡಿಸಿದೆ.