ಹುಮನಾಬಾದ್: ಹಬ್ಬಗಳು ಪರಸ್ಪರ ಪ್ರೀತಿ ವಿಶ್ವಾಸದಿಂದ ಜೀವನ ಸಾಗಿಸುವ ಸಂಕೇತಗಳಾಗಿದ್ದು, ಎಲ್ಲಾ ಸಮುದಾಯದವರು ಪ್ರೀತಿಯಿಂದ ಬಾಳಬೇಕೆಂದು ಸಮುದಾಯ ಸಂಘಟನಾಧಿಕಾರಿ ಮೀನಾಕುಮಾರಿ ಬೋರಾಳಕರ್ ತಿಳಿಸಿದರು. ಪಟ್ಟಣದ ಫಕೀರ್ ಟೇಕಡಾದಲ್ಲಿ ಜನವಾದಿ ಮಹಿಳಾ ಸಂಘಟನೆಯಿಂದ ರಂಜಾನ್ ನಿಮಿತ್ಯ ಏರ್ಪಡಿಸಿದ್ದ ಇಫ್ತಾರ್ ಕೂಟ ಉದ್ಘಾಟಿಸಿ ಮಾತನಾಡಿ, ರಂಜಾನ್ ಮಾಸವು ಭಕ್ತಿಯಿಂದ ದೇವರನ್ನು ಪ್ರಾರ್ಥಿಸುವ ಹಬ್ಬವಾಗಿದೆ ಎಂದರು. ಜಿಲ್ಲಾ ಕಾರ್ಯದರ್ಶಿ ರೇಷ್ಮಾ ಹಂಸರಾಜ. ಸಂಘದ ಜಿಲ್ಲಾಧ್ಯಕ್ಷ ಇಸಾಬೇಗಂ ಅಲಿಮೋದ್ದಿನ್, ತಾ. ಅಧ್ಯಕ್ಷ ಸರಸ್ವತಿ ಬನ್ನಿ, ತಾಲೂಕು ಕಾರ್ಯದರ್ಶಿ ಸುನೀತಾ ಭೋಲಾ, ಕುಶಾಲಾ ರೈಸಾ, ರೀಹಾನ ಪರ್ವಿನ್, ಗೌಸೀಯಾ ಬೇಗಂ, ರೈಸಾ, ಸೇರಿದಂತೆ ಸದಸ್ಯರು ಉಪಸ್ಥಿತರಿದ್ದರು.ಗೀತಾ ಚೌವ್ಹಾಣ ಸ್ವಾಗತಿಸಿ, ಅನಿತಾ ಮಾಣಿಕ ನಿರೂಪಿಸಿ ವಂದಿಸಿದರು.