ಕೊಪ್ಪ: ಇಲ್ಲಿನ ಸಣ್ಣಕೆರೆ ಗ್ರಾಮದಲ್ಲಿ ಮೆಸ್ಕಾಂ ಅಳವಡಿಸಿದ ನೂತನ ವಿದ್ಯುತ್ ಪರಿವರ್ತಕಕ್ಕೆ ತಾಪಂ ಅಧ್ಯಕ್ಷೆ ಪದ್ಮವತಿ ರಮೇಶ್ ಸೋಮವಾರ ಚಾಲನೆ ನೀಡಿ ಗ್ರಾಮಸ್ಥರ ಉಪಯೋಗಕ್ಕೆ ಅರ್ಪಿಸಿದರು.
ನಂತರ ಸಾರ್ವಜನಿಕನ್ನು ಉದ್ದೇಶಿ ಮಾತನಾಡಿದ ಅವರು, ಈ ಗ್ರಾಮದಲ್ಲಿ ಕಳೆದ ಒಂದು ದಶಕ ದಿಂದ ಕಡಿಮೆ ಓಲ್ಟೇಜ್ ನಿಂದ ಇಲ್ಲಿನ ಗ್ರಾಮಸ್ಥರು ಮತ್ತು ಕೃಷಿಕರು ತೀವ್ರ ಸಮಸ್ಯೆ ಎದುರಿಸುತ್ತಿದ್ದರು. ಇದನ್ನು ಮನಗಂಡು ಶಾಸಕರ ಗಮನಕ್ಕೆ ತಂದು ಇದಕ್ಕೆ ಬೇಕಾದ 3ಲಕ್ಷ ಅನುದಾನವನ್ನು ಮಂಜೂರು ಮಾಡಿಸಿ ಗ್ರಾಮಕ್ಕೆ ಬೇಕಾದ ಪ್ರತ್ಯೇಕ ಮಾರ್ಗ ಮತ್ತು ವಿದ್ಯುತ್ ಪರಿವರ್ತಕವನ್ನು ಅಳವಡಿಸಲಾಗಿದ್ದು, ಇದರಿಂದ 100ಕ್ಕೂ ಹೆಚ್ಚು ಮನೆಗಳಿಗೆ ಹಾಗೂ ಕೃಷಿಕರಿಗೆ ಇದರಿಂದ ಅನುಕೂಲವಾಗಿರುವುದು ಸಂತಸ ತಂದಿದೆ ಎಂದು ಹರ್ಷವ್ಯಕ್ತ ಪಡಿಸಿದರು.
ಈ ಸಮಯದಲ್ಲಿ ಜಿ.ಪಂ. ಸದಸ್ಯೆ ಅನ್ನಪೂರ್ಣ ಚನ್ನಕೇಶವ, ಹರಂದೂರು ಗ್ರಾ.ಪಂ. ಸದಸ್ಯೆ ಶಶಿಧರ್, ಟಿಎಪಿಸಿಎಂಎಸ್‌ನ ಅಧ್ಯಕ್ಷ ಹೆಚ್.ಕೆ. ದಿನೇಶ್. ಮೆಸ್ಕಾಂ ಅಧಿಕಾರಿಗಳಾದ ಗೋಪಾಲಕೃಷ್ಣ,ನಾಗರಾಜ್, ಫಿರೋಜ್ ಕಾಮಗಾರಿಯ ಗುತ್ತಿಗೆದಾರ ಸತೀಶ್ ಮುಂತಾದವರು ಹಾಜರಿದ್ದರು.