ಗದಗ: ಕೆ.ಎಚ್. ಪಾಟೀಲರು ತಮ್ಮ ರಾಜಕೀಯ ಜೀವನದಲ್ಲಿ ಸಲ್ಲಿಸಿದ ಸೇವೆ ಅಪಾರ. ಸಹಕಾರಿ ರಂಗದ ಭೀಷ್ಮ ಎಂದೇ ಹೆಸರುವಾಸಿಯಾಗಿದ್ದರು. ಅಂತಹ ಮಹಾನ್ ಧೀಮಂತ ನಾಯಕನ ಆದರ್ಶಗಳನ್ನು ಇಂದಿನ ಯುವಕರು ಅಳವಡಿಸಿಕೊಳ್ಳಬೇಕೆಂದು ಗದಗ-ಬೆಟಗೇರಿ ನಗರಸಭೆಯ ಮಾಜಿ ಸದಸ್ಯ ಶ್ರೀರಾಮ ಸಿಂಧೆ ಹೇಳಿದರು.
ಅವರು ಶನಿವಾರ ಬೆಟಗೇರಿಯ ಮಹಾರಾಣಾ ಪ್ರತಾಪಸಿಂಹ ಶಿಕ್ಷಣ ಸಂಸ್ಥೆಯ ಸಂಯುಕ್ತ ಪದವಿ ಪೂರ್ವ ಮಹಾವಿದ್ಯಾಲಯದಲ್ಲಿ ಏರ್ಪಡಿಸಿದ್ದ ದಿ. ಕೆ.ಎಚ್. ಪಾಟೀಲರ ಜಯಂತಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಗದಗ-ಬೆಟಗೇರಿ ನಗರಸಭೆಗೆ ನೂತನವಾಗಿ ಆಯ್ಕೆಯಾದ ಬೆಟಗೇರಿ ಭಾಗದ ನೂತನ ಸದಸ್ಯೆ ಪನ್ನಾಬಾಯಿ ಬಾಗಡೆ, ಚಿನ್ನವ್ವ ಮುಳಗುಂದ, ಮಂಜುನಾಥ ಮುಳಗುಂದ, ಶ್ರೀನಿವಾಸ ಕರಿ, ಮಂಜುಳಾ ರಾನಡೆ, ರಾಘವೇಂದ್ರ ಯಳವತ್ತಿ, ನಾಗಲಿಂಗಪ್ಪ ಐಲಿ, ಮೇಘಾ ಮುದಗಲ್, ನಾಗರಾಜ ಗಣಾಚಾರಿ ಅವರನ್ನು ಶಿಕ್ಷಣ ಸಂಸ್ಥೆಯ ವತಿಯಿಂದ ಸನ್ಮಾನಿಸಲಾಯಿತು.
ಗಣೇಶಸಿಂಗ್ ಬ್ಯಾಳಿಯವರು ಪ್ರಾಸ್ತಾವಿಕವಾಗಿ ಮಾತನಾಡಿದರು. ಶಾಲಾ ವಿದ್ಯಾರ್ಥಿಗಳಿಂದ ಪ್ರಾರ್ಥನೆ ಜರುಗಿತು. ಪ್ರಾ. ವೈ.ಆರ್. ಹಿರೇಗೌಡರ ಸ್ವಾಗತಿಸಿದರು. ವಿ.ಜಿ. ಕಾಂಬಳೇಕರ ನಿರೂಪಿಸಿದರು. ಸಿ.ಎಂ. ಮಾರನಬಸರಿ ವಂದಿಸಿದರು.