ಗೌರಿಬಿದನೂರು: ಸ್ಥಳೀಯ ನ್ಯಾಷನಲ್ ಕಾಲೇಜಿನ ಗುಣಮಟ್ಟ ನಿರ್ಧರಿಸಲು ನ್ಯಾಷನಲ್ ಅಸ್ಸ್ಮೆಂಟ್ ಅಂಡ್ ಅಕ್ರಿಡಿಟೇಷನ್ ಕೌನ್ಸಿಲ್ ನ್ಯಾಕ್ ಸಂಸ್ಥೆ ಸದಸ್ಯರುಗಳು ಪರಿಶೀಲಿಸಿದರು.
ಕಾಲೇಜಿನ ಎಲ್ಲ ವಿಭಾಗಗಳು, ಎಲ್ಲ ತರಗತಿಗಳನ್ನು ವೀಕ್ಷಸಿ ಕಾಲೇಜಿನ ಅಭಿವೃದ್ಧಿಗೆ ಸಲಹೆ, ಸೂಚನೆ ನೀಡಿದರು. ಸಮಿತಿಯಲ್ಲಿ ತಮಿಳನಾಡಿನ ಭಾರತೀಯಾರ್ ವಿಶ್ವ ವಿದ್ಯಾಲಯದ ಉಪ ಕುಲಪತಿ ಡಾ. ಶಿವಸುಬ್ರಮಣಿಯನ್,ಪಾಂಡಿಚ್ಚೇರಿ ವಿಶ್ವವಿದ್ಯಾಲಯದ ವಾಣಿಜ್ಯ ವಿಭಾಗದ ಡಾ.ಪಿ. ನಟರಾಜನ್, ಮುಂಬೈ ವಿಶ್ವವಿದ್ಯಾಲಯದ ಡಾ. ಹರ್ಷ ಮೆಹತಾ ಇದ್ದರು. ಸಮಾರೋಪದಲ್ಲಿ ನ್ಯಾಷನಲ್ ಎಜುಕೇಷನ್ ಸೊಸೈಟಿ ಗೌರವ ಕಾರ್ಯದರ್ಶಿ ನಾಗರಾಜರೆಡ್ಡಿ, ಪ್ರಾಂಶುಪಾಲ ಎಂ.ವಿ. ಕೃಷ್ಣಮೂರ್ತಿ, ರಸಾಯನ ಶಾಸ್ತ್ರ ಮುಖ್ಯಸ್ಥ ಬಾಲಸುಬ್ರಹ್ಮಣ್ಯ ಕಾಲೇಜಿನ ವರದಿಯನ್ನು ಸದಸ್ಯರಿಗೆ ನೀಡಿದರು.