ಕೊಪ್ಪಳ:  ಸರ್ಕಾರದ ಯೋಜನೆಗಳನ್ನು ಸಮುದಾಯಕ್ಕೆ ತಲುಪಿಸುವಲ್ಲಿ ಬೀದಿನಾಟಕ ಪ್ರಬಲ ಮಾಧ್ಯಮವಾಗಿದೆ ಎಂದು ಕಸಾಪ ಜಿಲ್ಲಾಧ್ಯಕ್ಷ ವೀರಪ್ಪ ನಿಂಗೋಜಿ ಹೇಳಿದರು. ಯಲಬುರ್ಗಾ ತಾಲೂಕಿನ ಕರಮುಡಿ ಗ್ರಾಮದಲ್ಲಿ ವಾರ್ತಾ ಇಲಾಖೆ ಹಾಗೂ ದ್ವಾರಕಾ ಸಮುದಾಯ ಅಭಿವೃದ್ಧಿ ಸಂಸ್ಥೆ ಆಯೋಜಿಸಿದ್ದ ಬೀದಿನಾಟಕ ಕಾರ್ಯಕ್ರಮದಲ್ಲಿ ಮಾತನಾಡಿದರು. ದ್ವಾರಕಾ ಸಂಸ್ಥೆ ಪ್ರಧಾನ ಕಾರ್ಯದರ್ಶಿ ವೈ.ಬಿ. ಜೂಡಿ ನಿರ್ದೇಶನದಲ್ಲಿ ಅನ್ನಭಾಗ್ಯ, ಕ್ಷೀರಭಾಗ್ಯ, ವಸತಿಭಾಗ್ಯ, ವಿದ್ಯಾಸಿರಿ, ಮನಸ್ವಿನಿ, ಮೈತ್ರಿ ಯೋಜನೆಗಳ ಕುರಿತು ಕಲಾವಿದ ದಾಲಸಾಬ ಅತ್ತಾರ್, ಕೊಟ್ರೇಶ ಲಕ್ಕಿಮರದ, ಕೆ.ಆರ್. ಸ್ವಾಮಿ, ನಾಗರಾಜ ಕಂಕಿ, ವೀರೇಶ ಅಳವಂಡಿ, ಲಲಿತವ್ವ ಪೂಜಾರ, ಗ್ಯಾನೇಶ ಬಡಿಗೇರ, ಪ್ರಕಾಶ ಗಡಿಗಿ, ಚಿರಂಜವ್ವ ನಟಿಸಿದರು. ಗ್ರಾಪಂ ಕಾರ್ಯದರ್ಶಿ ಈರಪ್ಪ, ಸಂಗಪ್ಪ, ಯುವಕ ಸಂಘದ ಸದಸ್ಯ ಆನಂದ ಇದ್ದರು.