ಕ.ಪ್ರ.ವಾರ್ತೆ ,  ಕೆ.ಆರ್. ನಗರ ,  ಮೇ 14
ಪಟ್ಟಣದ ಬಸವೇಶ್ವರ ಬಡಾವಣೆಯಲ್ಲಿರುವ ಬಸವೇಶ್ವರ ದೇವಾಲಯದಲ್ಲಿ ಸೋಮವಾರ ಸಂಜೆ ಜಗಜ್ಯೋತಿ ಬಸವೇಶ್ವರರ ಜಯಂತಿಯನ್ನು ಸಡಗರ ಸಂಭ್ರಮದಿಂದ ಆಚರಿಸಲಾಯಿತು.
ಬೆಳಗ್ಗೆಯಿಂದಲೇ ದೇವಾಲಯದಲ್ಲಿ ವಿಶೇಷ ಪೂಜೆ ಮಾಡಿ ಭಕ್ತರಿಗೆ ಪ್ರಸಾದ ವಿತರಿಸಲಾಯಿತಲ್ಲದೆ ಸಂಜೆ ಬಸವೇಶ್ವರ ಬಡಾವಣೆಯಿಂದ ಹೊರಟ ಬಸವಣ್ಣನವರ ಭಾವಚಿತ್ರದ ಮೆರವಣಿಗೆ ಮೈಸೂರು ರಸ್ತೆ, ಬಜಾರ್ ರಸ್ತೆ, 7ನೇ ರಸ್ತೆ ಸೇರಿದಂತೆ ಪ್ರಮುಖ ರಸ್ತೆಗಳಲ್ಲಿ ನಡೆಯಿತು. ಈ ಸಂದರ್ಭದಲ್ಲಿ ಸಾರ್ವಜನಿಕರು ಬಸವಣ್ಣನವರ ಭಾವಚಿತ್ರಕ್ಕೆ ಗೌರವ ಸಲ್ಲಿಸಿ ಪೂಜಿಸಿದರು. ನಂತರ ಸ್ವಸ್ಥಾನಕ್ಕೆ ಮೆರವಣಿಗೆ ಬಂದ ನಂತರ ಮಹಾಮಂಗಳಾರತಿ ಮಾಡಲಾಯಿತು.
ಪುರಸಭಾ ಸದಸ್ಯ ಪಿ. ವಿನಯ್, ಶರಾವತಿ ಬಸಂತ್, ರೂಪ ಸತೀಶ್, ರೇಖಾರವೀಂದ್ರ, ಗೀತಾದೇವರಾಜ್, ಸುಚಿತ್ರ ದಿನೇಶ್, ಶೀಲಾ ಶಶಿಕುಮಾರ್, ಮುಖಂಡರಾದ ಅಜಯ್, ಸಿದ್ದೇಶ್, ಶರತ್‌ಬಾಬು, ಜತ್ತಿಪ್ರಕಾಶ್, ದಿನೇಶ್, ಸುನಿಲ್, ಮಂಜು, ರಘು, ಫಣೀಶ್, ಡೇರಿ ಬದ್ರಿ, ಕೆ.ಬಿ. ರಘು ಇದ್ದರು.