ಮಗ್ಗಳ್ಳಿ ಗುರು, ಬನವಾಸಿ 9480931442
ಮೊದಲ ರಾತ್ರಿ ಹೆಂಡತಿ ಗಂಡನಿಗೆ ಹಾಲೇ ಏಕೆ ಕೊಡಬೇಕು?
ಆಲ್ಕೋಹಾಲ್ ಕೊಟ್ಟರೆ ಎರಡು ನಶೆಗಳನ್ನು ಒಟ್ಟಿಗೇ ಸಂಭಾಳಿಸಲಾಗದು ಎಂಬ ಆತಂಕ!

ಹರಳಹಳ್ಳಿ ಪುಟ್ಟರಾಜು, 9632838088
ಅವಿವಾಹಿತರೆಲ್ಲ ಬ್ರಹ್ಮಚಾರಿಗಳಾ?
ಸಿಂಗಲ್ ಟೀ ಕುಡಿಯೋಕೆ ಹಸು ಕಟ್ಟಿಕೊಳ್ಳೋದೇಕೆ ಎಂದು ಯೋಚಿಸುವ ಒಂಥರಾ ಜಾಣರು!

ವಿ. ಹೇಮಂತಕುಮಾರ್, 9035992900
ಹುಡುಗರ ಕಷ್ಟ ಹುಡುಗಿಯರಿಗಿಂತ ಆಂಟಿಯರೇ ಹೆಚ್ಚು ತಿಳಿದುಕೊಂಡಿರುತ್ತಾರಲ್ಲ?
ಅನುಭವ ಇರುವಲ್ಲಿ ಅಮೃತತ್ವ ಇದೆ!

ಆರೀಫ್, ದಾವಣಗೆರೆ 9964280609
ತುಂಡ್ ಹೈಕ್ಳ ಸಹವಾಸ ಮೂರು ಹೊತ್ತು ಉಪವಾಸ. ತುಂಡ್ ಬಟ್ಟೆ ತೊಟ್ಟ ಹುಡುಗಿಯರ ಸಹವಾಸ?
ಹಸಿವು ತೀರಿಸದ ಮೃಷ್ಟಾನ್ನ!

ಬಸವನಗೌಡ ಹೆಬ್ಬಳಗೆರೆ
ಕೆಲ ಮನೆಗಳಲ್ಲಿ ಗಂಡ 'ವಿರೋಧ ಪಕ್ಷದ ನಾಯಕ', ಹೆಂಡತಿ 'ಆಡಳಿತ ಪಕ್ಷದ ನಾಯಕಿ' ಥರ ವರ್ತಿಸುತ್ತಾರಲ್ಲ?
ಮಕ್ಕಳು ಆಗಲೇ ಸಭಾತ್ಯಾಗ ಮಾಡಿರೋದು ನಿಮ್ಮ ಕಣ್ಣಿಗೆ ಬಿದ್ದಿಲ್ವೇ?

- ಬಾಣಭಟ್ಟ