ಅಂಗಡಿಕಾರನೆಂಬ ಗ್ರಹದ ಸುತ್ತ ಸುತ್ತುವ ಉಪಗ್ರಹ
    ವ್ಯಾಪಾರಿಗಳೆಂಬ ನವಗ್ರಹಗಳಿಂದ ಸದಾ ಪೀಡಿಸಲ್ಪಡುವವ
    ಹೆಚ್ಚು ಹಣ ತೆತ್ತು ಕಿತ್ತು ಕೊಳ್ಳುವವ
    ಹಣಕ ವಾಹಕ
    ಇವನನ್ನು ಮೋಡಿ ಮಾಡುವುದರಲ್ಲೇ ಹಲವರ ಹಿತ ಅಡಗಿದೆ
    ಇವನ ಬ್ಯಾಗು ತುಂಬಿದರೆ ಹಲವರ ಕಿಸೆ ತುಂಬುತ್ತದೆ
    ಕತ್ತರಿ ಪ್ರಯೋಗದ ಮುಖ್ಯ ಗುರಿ
    ಸದಾ ಗ್ರಹಣ ಬಡಿದಂತಿರುವವ
    ವ್ಯಾಪಾರಿಯ ಬ್ಲೇಡಿಗೆ ತಲೆ ಕೊಡುವವ
    ಒಳ್ಳೆಯದೋ ಕೆಟ್ಟದ್ದೋ ಎಂದು ವಿವೇಚಿಸದೇ ಒಟ್ಟಾರೆ ಸ್ವೀಕರಿಸುವವ
    ಒಂದಕ್ಕೊಂದು ಫ್ರೀ ಇದೆ ಎಂಬ ಬೋರ್ಡ್ ಕಂಡಲ್ಲಿ ನುಗ್ಗುವವ
    ಇವನ ತಲೆಗೆ ಎಲ್ಲಾ ಸೈಜಿನ ಟೋಪಿ ಹೊಂದುತ್ತದೆ
    ಮ್ಯಾಕ್ಸಿಮಮ್ ರೀಟೇಲ್ ಪ್ರೇಸನ್ನು ಮಿನಿಮಮ್‌ಗೆ ಕೊಡೆಂದು ಒತ್ತಾಯಿಸುವವ
    ಅಂಗಡಿಕಾರನ ಶಿರೋ ಭಕ್ಷಕ
    ಎಲ್ಲವನ್ನೂ ಪರೀಕ್ಷಿಸಿ ಸ್ಪರ್ಶಿಸಿ ಬಿಟ್ಟು ಬರುವವ


-ವಿಶ್ವನಾಥ ಸುಂಕಸಾಳ
vishwasunkasal@yahoo.com