ನವದೆಹಲಿ: ಲೋಕಸಭಾ ಚುನಾವಣೆ-2019 ಕ್ಕೆ ಕಾಂಗ್ರೆಸ್ 34 ಅಭ್ಯರ್ಥಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. 

ಮಾ.22 ರಂದು ರಾತ್ರಿ ಕಾಂಗ್ರೆಸ್ ಪಟ್ಟಿ ಬಿಡುಗಡೆಯಾಗಿದ್ದು, ಆಂಧ್ರದ ಖಮ್ಮಂ ಲೋಕಸಭಾ ಕ್ಷೇತ್ರದಿಂದ ರೇಣುಕಾ ಚೌಧರಿ, ತಮಿಳುನಾಡಿನ ವಿರುಧುನಗರ್ ನಿಂದ ಮಣಿಕಾಮ್ ಟಾಗೋರ್, ಉಧಮ್ ಪುರದಿಂದ ವಿಕ್ರಮಾದಿತ್ಯ ಸಿಂಗ್, ಜಮ್ಮುವಿನಿಂದ ರಮಣ್ ಭಲ್ಲಾ ಅವರನ್ನು ಕಣಕ್ಕಿಳಿಸಿದೆ ಛತ್ತೀಸ್ ಗಢ, ಜಮ್ಮು-ಕಾಶ್ಮೀರ, ತ್ರಿಪುರಾ, ಒಡಿಶಾ, ಮಹಾರಾಷ್ಟ್ರ, ತಮಿಳುನಾಡು, ಉತ್ತರ ಪ್ರದೇಶ, ತೆಲಂಗಾಣ ಹಾಗೂ ಪುದುಚೆರಿಯ ಲೋಕಸಭಾ ಕ್ಷೇತ್ರಗಳಿಗೆ ಕಾಂಗ್ರೆಸ್ ಅಭ್ಯರ್ಥಿಗಳನ್ನು ಘೋಷಿಸಿದೆ.

ಉತ್ತರ ಪ್ರದೇಶ ಕಾಂಗ್ರೆಸ್ ಅಧ್ಯಕ್ಷ ರಾಜ್ ಬಬ್ಬರ್ ಕ್ಷೇತ್ರವನ್ನು ಬದಲಾವಣೆ ಮಾಡಲಾಗಿದ್ದು, ಮೊರದಾಬಾದ್ ಬದಲಾಗಿ ಫತೇಪುರ್ ಸಿಕ್ರಿಯಿಂದ ರಾಜ್ ಬಬ್ಬರ್ ಕಣಕ್ಕಿಳಿಯಲಿದ್ದಾರೆ.