ಬೇಕಾಗುವ ಪದಾರ್ಥಗಳು...

ಅಕ್ಕಿ - 3/4 ಬಟ್ಟಲು

ತೊಗರಿ ಬೇಳೆ- 1/2 ಬಟ್ಟಲು

ಮೆಣಸು - 1 ಚಮಚ

ಜೀರಿಗೆ - 1 ಚಮಚ

ಕರಿಬೇವು - ಸ್ವಲ್ಪ

ಒಣಗಿದ ಮೆಣಸಿನಕಾಯಿ - 3

ಬೆಳ್ಳುಳ್ಳಿ - 6

ಎಣ್ಣೆ - 3 ಚಮಚ

ಸಾಸಿವೆ - ಸ್ವಲ್ಪ

ಜಜ್ಜಿದ ಬೆಳ್ಳುಳ್ಳಿ - 3

ಒಣ ಮೆಣಸಿನಕಾಯಿ - 2

ಟೊಮ್ಯಾಟೊ - 2 ಅಥವಾ 3

ಅರಿಶಿನ ಪುಡಿ - 1/2 ಚಮಚ

ರಸಂ ಪುಡಿ - 2 ಚಮಚ

ಹುಣಸೆ ರಸ - ನಿಂಬೆ ಗಾತ್ರದ ಹುಣಸೆ + 1/4 ಕಪ್ ನೀರು ಹಿಂಡಿ ರಸ ತಯಾರಿಸಿ

ಉಪ್ಪು - ರುಚಿಗೆತಕ್ಕಷ್ಟು

ಕೊತ್ತಂಬರಿ ಸೊಪ್ಪು - ಸ್ವಲ್ಪ

ಮಾಡುವ ವಿಧಾನ...

• ಮೊದಲು ಬೇಳೆ ಮತ್ತು ಅಕ್ಕಿಯನ್ನು ಚೆನ್ನಾಗಿ ತೊಳೆದು 30 ನಿಮಿಷಗಳ ನೆನೆಯಲು ಬಿಡಿ.

• ನಂತರ ಕಾಳು ಮೆಣಸು ಜೀರಿಗೆ, ಕರಿಬೇವು, ಮೆಣಸಿನಕಾಯಿ ಮತ್ತು ಬೆಳ್ಳುಳ್ಳಿಯನ್ನು ಒರಳಿಗೆ ಹಾಕಿ ಜಜ್ಜಿಕೊಳ್ಳಿ.

• ಕುಕ್ಕರ್‌ನ್ನು ಒಲೆಯ ಮೇಲಿಟ್ಟು, ಎಣ್ಣೆ ಹಾಕಿ ಬಿಸಿಯಾಗಲು ಬಿಡಿ. ಬಳಿಕ ಸಾಸಿವೆ, ಬೆಳ್ಳುಳ್ಳಿ, ಕರಿಬೇವು, ಒಣ ಮೆಣಸಿನಕಾಯಿ ಸೇರಿಸಿ ಹುರಿಯಿರಿ.

• ಕತ್ತರಿಸಿದ ಟೊಮ್ಯಾಟೊ ಸೇರಿಸಿ . ಅದು ಮೆತ್ತಗಾಗುವವರೆಗೆ ಬೇಯಿಸಿ. ಬಳಿಕ ಅರಿಶಿನ ಮತ್ತು ರಸಂ ಪುಡಿ, ಹುಣಸೆ ರಸ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

• ಬಳಿಕ ನೆನೆಸಿದ ಬೇಳೆ ಮತ್ತು ಅಕ್ಕಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಬಳಿಕ ಅಕ್ಕಿಗೆ 5 ಪಟ್ಟು ಹೆಚ್ಚಿಗೆ ನೀರು, ಸೇರಿಸಿ. ರುಚಿಗೆ ತಕ್ಕಷ್ಟು ಉಪ್ಪು ಸೇರಿ ಚೆನ್ನಾಗಿ ಮಿಶ್ರಣ ಮಾಡಿ. ಕುಕ್ಕರ್ ಮುಚ್ಚಳ ಮುಚ್ಚಿ 4 ರಿಂದ 5 ಸೀಟಿ ಊದಿಸಿ. .ತಣ್ಣಗಾದ ನಂತರ, ತೆರೆದು ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಇದೀಗ ರುಚಿಕರವಾದ ರಸಂ ರೈಸ್ ಸವಿಯಲು ಸಿದ್ಧ.