ಮನಿಲಾ: ಏಶ್ಯದಾದ್ಯಂತ ಜಿಕಾ ಸೋಂಕು ಹರಡುವ ಸಾಧ್ಯತೆ ಹೆಚ್ಚಿದೆ ಎಂದು ಮಂಗಳವಾರ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯೂ ಎಚ್ ಒ) ಘೋಷಿಸಿದೆ.
ಈ ವೈರಸ್ ಅನ್ನು ನಿಯಂತ್ರಿಸುವ ಪರಿಣಾಮಕಾರಿ ಮಾರ್ಗಗಳ ಬಗೆಗೆ ತಜ್ಞರು ಇನ್ನು ತೊಡಗಿಸಿಕೊಂಡಿದ್ದಾರೆ ಎಂದು ಡಬ್ಲ್ಯೂ ಎಚ್ ಒ ನಿರ್ದೇಶಕ ಮಾರ್ಗರೇಟ್ ಚಾನ್ ಹೇಳಿರುವುದಾಗಿ ಬಿಬಿಸಿ ವರದಿ ಮಾಡಿದೆ.
"ದುರದೃಷ್ಟವಶಾತ್, ಹಲವು ಸಂದಿಗ್ಧ ಪ್ರಶ್ನೆಗಳಿಗೆ ವಿಜ್ಞಾನಿಗಳ ಬಳಿ ಉತ್ತರವಿಲ್ಲ" ಎಂದು ಕೂಡ ಫಿಲಿಪೈನ್ಸ್ ರಾಜಧಾನಿ ಮನಿಲಾದಲ್ಲಿ ನಡೆಯುತ್ತಿರುವ ಪ್ರಾದೇಶಿಕ ಡಬ್ಲ್ಯೂ ಎಚ್ ಒ ವಾರ್ಷಿಕ ಸಭೆಯಲ್ಲಿ ಅವರು ಹೇಳಿದ್ದಾರೆ.
ಸಿಂಗಾಪುರದಲ್ಲಿ ಜಿಕಾ ವೈರಸ್ ಸೋಂಕು ತಗಲಿರುವ ನೂರಾರು ಪ್ರಕರಣಗಳು ದಾಖಲಾಗಿವೆ ಮತ್ತು ಥೈಲ್ಯಾಂಡ್ ನಲ್ಲಿ ಕೂಡ ಈ ವೈರಸ್ ಸಂಬಂಧಿತ ರೋಗದ ಎರಡು ಪ್ರಕರಣಗಳು ಕಾಣಿಸಿಕೊಂಡಿವೆ.
ಜಿಕಾ ಸಾಮಾನ್ಯರಲ್ಲಿ ಸಾಧಾರಣ ದುಷ್ಪರಿಣಾಮ ಬೀರಿದರು, ಗರ್ಭಿಣಿ ಹೆಂಗಸರ ಮೇಲೆ ಅತಿ ಹೆಚ್ಚು ಕೆಟ್ಟ ಪರಿಣಾಮ ಬೀರುತ್ತದೆ. ಸೊಳ್ಳೆಯಿಂದ ಹರಡುವ ಈ ರೋಗ 70 ದೇಶಗಳಲ್ಲಿ ಕಾಣಿಸಿಕೊಂಡಿದೆ ಎನ್ನುತ್ತದೆ ಡಬ್ಲ್ಯೂ ಎಚ್ ಒ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos