ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಕ್ಯಾನ್ಸರ್ ರೋಗ ಕಾಣಿಸುತ್ತಿರುವ ಬಗ್ಗೆ ಅಂಕೊಲಾಜಿಸ್ಟ್ ಅಂದರೆ ಕ್ಯಾನ್ಸರ್ ರೋಗ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿ ಮಹಿಳೆಯರಲ್ಲಿ ಕ್ಯಾನ್ಸರ್ ರೋಗನಿರ್ಣಯ ಹೆಚ್ಚಾಗುತ್ತಿದ್ದು, ವಿಳಂಬಿತ ಪತ್ತೆ ಮತ್ತು ಆಕ್ರಮಣಕಾರಿ ರೋಗ ಮಾದರಿಗಳ ಬಗ್ಗೆ ಕಳವಳ ವ್ಯಕ್ತಪಡಿಸುತ್ತಿದ್ದಾರೆ.
ಫೆಬ್ರವರಿ 4 ರಂದು ವಿಶ್ವ ಕ್ಯಾನ್ಸರ್ ದಿನ. ಮಹಿಳೆಯರು ಆರಂಭಿಕ ವೈದ್ಯಕೀಯ ಮೌಲ್ಯಮಾಪನವನ್ನು ಪಡೆಯುವಂತೆ ಒತ್ತಾಯಿಸುತ್ತಾರೆ ವೈದ್ಯರು. ನನಗೆ ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಕ್ಯಾನ್ಸರ್ ಬರಲು ಸಾಧ್ಯವಿಲ್ಲ ಎಂದು ಭಾವಿಸುವುದರಿಂದ ರೋಗಿಗಳಿಗೆ ಹೆಚ್ಚಿನ ಸಮಯ ಖರ್ಚಾಗುತ್ತದೆ ಎಂದು ವೈದ್ಯರು ಎಚ್ಚರಿಸಿದ್ದಾರೆ.
ಆಸ್ಟರ್ ವೈಟ್ಫೀಲ್ಡ್ ಆಸ್ಪತ್ರೆ ಮತ್ತು ಸಲಹೆಗಾರ ಶಸ್ತ್ರಚಿಕಿತ್ಸಾ ಆಂಕೊಲಾಜಿ ವಿಭಾಗದ ಮುಖ್ಯಸ್ಥ ಡಾ. ಅಶ್ವಿನ್ ಕೆಆರ್, ಇತ್ತೀಚೆಗೆ 30ರಿಂದ 40 ವರ್ಷದವರಲ್ಲಿ ಹೆಚ್ಚಾಗಿ ಕ್ಯಾನ್ಸರ್ ರೋಗ ಪತ್ತೆಯಾಗುತ್ತಿದೆ. ಮಹಿಳೆಯರಲ್ಲಿ ಆರಂಭಿಕ ಹಂತದ ಸ್ತನ ಕ್ಯಾನ್ಸರ್ ಮತ್ತು ವಿರಳವಾಗಿ ಎಂಡೊಮೆಟ್ರಿಯಲ್ ಕ್ಯಾನ್ಸರ್ ನ್ನು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ ಎಂದರು.
ಅನೇಕ ಮಹಿಳೆಯರು ತಮ್ಮ ವಯಸ್ಸಿನ ಕಾರಣದಿಂದಾಗಿ ಕ್ಯಾನ್ಸರ್ ಬಗ್ಗೆ ನಿರ್ಲಕ್ಷ್ಯ ತೋರಿಸುತ್ತಿರುತ್ತಾರೆ. ಅಸಹಜ ರಕ್ತಸ್ರಾವ, ಮೊಲೆತೊಟ್ಟುಗಳ ಸ್ತನ ವಿಸರ್ಜನೆ ಅಥವಾ ಸಣ್ಣ ಗಡ್ಡೆಗಳು, ಅತಿಯಾದ ತೂಕ ನಷ್ಟ, ದೀರ್ಘಕಾಲದ ಆಯಾಸ ಮುಂತಾದ ಸೂಕ್ಷ್ಮ ಲಕ್ಷಣಗಳನ್ನು ಹಾರ್ಮೋನುಗಳ ಸಮಸ್ಯೆಗಳು ಅಥವಾ ಜೀವನಶೈಲಿಯ ಒತ್ತಡ ಎಂದು ಮಹಿಳೆಯರು ತಳ್ಳಿಹಾಕುತ್ತಾರೆ ಎಂದರು.
50 ವರ್ಷಗಳ ನಂತರ ಮಾತ್ರ ಕ್ಯಾನ್ಸರ್ ಬರುತ್ತದೆ ಎಂದು ಊಹೆ ಮಾಡಲು ಸಾಧ್ಯವಿಲ್ಲ ಎಂದು ಫೋರ್ಟಿಸ್ ಆಸ್ಪತ್ರೆಗಳ ವೈದ್ಯಕೀಯ ಆಂಕೊಲಾಜಿ ಮತ್ತು ಹೆಮಟೊ-ಆಂಕೊಲಾಜಿಯ ಪ್ರಧಾನ ನಿರ್ದೇಶಕಿ ಡಾ. ನೀತಿ ರೈಜಾಡಾ ಹೇಳುತ್ತಾರೆ. ಯುವಜನತೆಯಲ್ಲಿ, ವಿಶೇಷವಾಗಿ ನಗರ ಕೇಂದ್ರಗಳಲ್ಲಿ ಆರಂಭಿಕ ಹಂತದ ಥೈರಾಯ್ಡ್ ಮತ್ತು ಮೂತ್ರಪಿಂಡದ ಕ್ಯಾನ್ಸರ್ಗಳಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ ಎನ್ನುತ್ತಾರೆ.
ಬೊಜ್ಜು, ಇನ್ಸುಲಿನ್ ಪ್ರತಿರೋಧ, ಮಧುಮೇಹ, ದೀರ್ಘಕಾಲದ ಒತ್ತಡ, ಅನಿಯಮಿತ ನಿದ್ರೆ, ತಂಬಾಕು ಬಳಕೆ ಮತ್ತು ತಡವಾಗಿ ಹೆರಿಗೆ ಸೇರಿದಂತೆ ಜೀವನಶೈಲಿ ಸಂಬಂಧಿತ ಅಂಶಗಳು ಕ್ಯಾನ್ಸರ್ ರೋಗ ಹೆಚ್ಚಳಕ್ಕೆ ಕಾರಣವಾಗುತ್ತಿದೆ. ಸ್ತನ ಮತ್ತು ಎಂಡೊಮೆಟ್ರಿಯಲ್ ಕ್ಯಾನ್ಸರ್ನಂತಹ ಹಾರ್ಮೋನ್-ಸೂಕ್ಷ್ಮ ಕ್ಯಾನ್ಸರ್ಗಳು ವಿಶೇಷವಾಗಿ ದೇಹದ ಕೊಬ್ಬು, ಗರ್ಭಧಾರಣೆ ಚಿಕಿತ್ಸೆಗಳು ಮತ್ತು ತಡವಾದ ಗರ್ಭಧಾರಣೆಗಳಿಗೆ ಸಂಬಂಧಿಸಿದ ದೀರ್ಘಕಾಲದ ಈಸ್ಟ್ರೊಜೆನ್ ನಿಂದ ಪ್ರಭಾವಿತವಾಗಿರುತ್ತದೆ.
ಕಿರಿಯ ವಯಸ್ಸಿನ ಮಹಿಳೆಯರಲ್ಲಿ ಕೆಲವು ಕ್ಯಾನ್ಸರ್ಗಳ ಜೈವಿಕವಾಗಿ ಆಕ್ರಮಣಕಾರಿ ರೂಪಗಳು ದೇಹದಲ್ಲಿ ಬೆಳೆಯುವ ಸಾಧ್ಯತೆ ಹೆಚ್ಚು" ಎಂದು ಡಾ. ಅಶ್ವಿನ್ ಹೇಳುತ್ತಾರೆ. ಸ್ತನ ಕ್ಯಾನ್ಸರ್ನ ನಿರ್ದಿಷ್ಟ ಉಪವಿಭಾಗಗಳಿಗೆ ತೀವ್ರವಾದ ಚಿಕಿತ್ಸೆಯ ಅಗತ್ಯವಿರುತ್ತದೆ, ಇದು ಮಹಿಳೆಯರ ಗರ್ಭಧಾರಣೆ ಮತ್ತು ದೀರ್ಘಕಾಲೀನ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ ಎಂದು ವಿವರಿಸಿದರು.
ಕ್ಯಾನ್ಸರ್ ವಯಸ್ಸಿಗೆ ಕಾಯುವುದಿಲ್ಲ, ದೇಹದಲ್ಲಿ ನಿರಂತರ ರೋಗಲಕ್ಷಣ ಕಂಡುಬಂದರೆ ಎಂದಿಗೂ ನಿರ್ಲಕ್ಷಿಸಬಾರದು ಎಂದು ಎಚ್ಸಿಜಿ ಕ್ಯಾನ್ಸರ್ ಕೇಂದ್ರದ ವೈದ್ಯಕೀಯ ಆಂಕೊಲಾಜಿ ಸಲಹೆಗಾರ ಡಾ. ಸ್ಮಿತಾ ಸಲ್ಡಾನಾ ಹೇಳುತ್ತಾರೆ. ಆರಂಭ ಹಂತದಲ್ಲಿಯೇ ಪತ್ತೆಹಚ್ಚಿದರೆ ರೋಗ ಗುಣಪಡಿಸಿ ಬದುಕುಳಿಯುವ ಸಾಧ್ಯತೆ ಹೆಚ್ಚಾಗಿರುತ್ತದೆ ಎನ್ನುತ್ತಾರೆ.