ಉಸ್ಮನಾಬಾದ್: ಕರ್ನಾಟಕ ಹಾಗೂ ಮಹಾರಾಷ್ಟ್ರ ಸಾರಿಗೆ ಬಸ್ ಗಳ ನಡುವೆ ಭೀಕರ ರಸ್ತೆ ಅಪಘಾತ ಸಂಭವಿಸಿದ್ದು ಸ್ಥಳದಲ್ಲೇ ಐವರು ದಾರುಣ ಸಾವನ್ನಪ್ಪಿರುವ ಘಟನೆ ಮಹಾರಾಷ್ಟ್ರದ ಉಸ್ಮನಾಬಾದ್ ಬಳಿಯ ಉಮರ್ಗಾ ಕ್ರಾಸ್ ಬಳಿ ನಡೆದಿದೆ. 

ಅಳಂದ ಡಿಪೋಗೆ ಸೇರಿದ ಕೆಎಸ್ಆರ್ಟಿಸಿ ಬಸ್ ಮಹಾರಾಷ್ಟ್ರದಿಂದ ಕಲಬುರಗಿಯ ಗಾಣಗಾಪುರಕ್ಕೆ ಬರುತ್ತಿದ್ದು ಉಮರ್ಗಾ ಕ್ರಾಸ್ ಬಳಿ ಮಹಾರಾಷ್ಟ್ರದ ಬಸ್ ಮಧ್ಯೆ ಡಿಕ್ಕಿ ಸಂಭವಿಸಿದೆ. ಅಪಘಾತದಲ್ಲಿ ಐವರು ಸಾವನ್ನಪ್ಪಿದ್ದು 20ಕ್ಕೂ ಹೆಚ್ಚು ಮಂದಿಗೆ ಗಂಭೀರ ಗಾಯಗಳಾಗಿವೆ. 

ಅಪಘಾತದಲ್ಲಿ ಎರಡು ಬಸ್ ಗಳ ಚಾಲಕರು ಮತ್ತು ಮೂವರು ಪ್ರಯಾಣಿಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಉಮರ್ಗಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.