ಮಗ್ ಟು ಮೈಕ್ ಮತ್ತು ಲಕ್ಷ್ಯ ಎಜುಕೇಶನಲ್ ಮತ್ತು ಚಾರಿಟೇಬಲ್ ಟ್ರಸ್ಟ್ ವತಿಯಿಂದ   ಮಾರ್ಚ್ 26ರಂದು ಬೆಂಗಳೂರಿನಲ್ಲಿ ಖ್ಯಾತ ಗಾಯಕಿ ಪದ್ಮಶ್ರೀ ಕೆ.ಎಸ್ ಚಿತ್ರಾ ಅವರಿಂದ ಸಂಗೀತ ಕಾರ್ಯಾಗಾರ ನಡೆಯಲಿದೆ.

ಮಗ್ ಟು ಮೈಕ್ ರೂವಾರಿ ಸುನಿಲ್ ಕೋಶಿ ಕೆ.ಎಸ್ ಚಿತ್ರಾ ಅವರೊಂದಿಗೆ ಈ ಕಾರ್ಯಾಗಾರವನ್ನು ನಡೆಸಿಕೊಡಲಿದ್ದಾರೆ.

ಬಾತ್‌ರೂಂ ಗಾಯಕರಿಗಾಗಿ ಮಗ್ ಟು ಮೈಕ್ ಎಂಬ ಕಾರ್ಯಾಗಾರ ಆರಂಭಿಸಿ ಬಾತ್‌ರೂಂನಲ್ಲಿ ಮಾತ್ರ ಹಾಡುತ್ತಿದ್ದ ಪ್ರತಿಭೆಗಳನ್ನು ಸ್ಟುಡಿಯೋವರೆಗೆ ಕರೆತಂದ ಟೆಕಿ, ಯುವ ಗಾಯಕ ಸುನೀಲ್ ಕೋಶಿ. ಎಲೆ ಮರೆಯ ಕಾಯಿಯಂತಿರುವ ಪ್ರತಿಭೆಗಳಲ್ಲಿ ಆತ್ಮ ವಿಶ್ವಾಸವನ್ನು ತುಂಬಿ ಹಾಡುಗಾರಿಕೆಯ ಕೌಶಲ್ಯವನ್ನು ಹೇಳಿಕೊಟ್ಟು ಸ್ಟುಡಿಯೋದಲ್ಲೂ, ವೇದಿಕೆಯ ಮೇಲೆಯೂ ಹಾಡುವಂತೆ ಮಾಡಿದ ಕೀರ್ತಿ ಸುನಿಲ್‌ಗೆ ಸಲ್ಲುತ್ತದೆ.

ಈಗಾಗಲೇ ಮಗ್ ಟು ಮೈಕ್ ಮೂಲಕ ಹಲವಾರು ಕಾರ್ಯಾಗಾರಗಳನ್ನು ಮಾಡಿ ಪ್ರತಿಭೆಗಳನ್ನು ಬೆಳಕಿಗೆ ತಂದಿರುವ ಸುನಿಲ್ ಇದೇ ಮೊದಲ ಬಾರಿಗೆ ಕೆ.ಎಸ್ ಚಿತ್ರಾ ಅವರೊಂದಿಗೆ ಸೇರಿ ಸಂಗೀತ ಕಾರ್ಯಾಗಾರ ಹಮ್ಮಿಕೊಂಡಿದ್ದಾರೆ. 

ಸಂಗೀತಾಸಕ್ತರು ಮತ್ತು ಸಂಗೀತ ಪ್ರತಿಭೆಗಳಿಗಾಗಿ ನಡೆಸಿಕೊಡುವ ಈ ಕಾರ್ಯಾಗಾರದಲ್ಲಿ ಯಾರಿಗೆ ಬೇಕಾದರೂ ಭಾಗವಹಿಸಬಹುದು. ಇಲ್ಲಿ ಕೆ. ಎಸ್ ಚಿತ್ರಾ ಅವರು ಹಾಡುಗಾರಿಕೆಯ ಬಗ್ಗೆ ತಮ್ಮ ಅನುಭವವನ್ನು ಹಂಚಿಕೊಳ್ಳುವುದರ ಜತೆಗೆ ಸಂಗೀತ ಪ್ರತಿಭೆಗಳಿಗೆ ಸಲಹೆ ಸೂಚನೆಗಳನ್ನೂ ನೀಡುತ್ತಾರೆ.

ಹೆಚ್ಚಿನ ಮಾಹಿತಿಗಳಿಗಾಗಿ ಕರೆ ಮಾಡಿ: 7899262262

6 ರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದಿರುವ ಏಕೈಕ ಗಾಯಕಿ ಕೆ.ಎಸ್ ಚಿತ್ರಾ. ದಕ್ಷಿಣ ಭಾರತದ ಎಲ್ಲ ಭಾಷೆಗಳಲ್ಲಿ ಹಾಡಿರುವ ಈ ಹಿನ್ನೆಲೆ ಗಾಯಕಿಗೆ ಎಲ್ಲ ಭಾಷೆಗಳಲ್ಲಿಯೂ ರಾಜ್ಯ ಪ್ರಶಸ್ತಿ ದಕ್ಕಿದೆ. ಇಲ್ಲಿಯವರೆಗೆ ಸುಮಾರು 25,000 ಹಾಡುಗಳನ್ನು ಹಾಡಿರುವ ಚಿತ್ರಾ ಮೆಲೊಡಿ ಹಾಡುಗಳಿಂದಲೇ ಜನರನ್ನು ಮೋಡಿ ಮಾಡಿದವರು. ಖ್ಯಾತ ಸಂಗೀತ ನಿರ್ದೇಶಕರೊಂದಿಗೆ ಮತ್ತು ಖ್ಯಾತ ಗಾಯಕರೊಂದಿಗೆ ಕೆಲಸ ಮಾಡಿ ಅನುಭವವಿರುವ ಕೆ.ಎಸ್ ಚಿತ್ರಾ ಈ ಕಾರ್ಯಾಗಾರದ ಮೂಲಕ ಹೊಸ ಪ್ರತಿಭೆಗಳಿಗೆ ಅಮೂಲ್ಯ ಸಲಹೆಗಳನ್ನು ನೀಡಲಿದ್ದಾರೆ. 

ಕಾರ್ಯಾಗಾರ ಯಾವಾಗ? :  ಮಾರ್ಚ್ 26

ಸ್ಥಳ: ದ ಕ್ಯಾಪಿಟಲ್ ಹೋಟೆಲ್ (ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್ ಕಟ್ಟಡದ ಬಳಿ)

ಸಮಯ: ಬೆಳಗ್ಗೆ 9.30 ರಿಂದ 3. 30 ವರೆಗೆ

ಭಾನುವಾರ ಮಾರ್ಚ್ 27ರಂದು ಕೆ.ಎಸ್ ಚಿತ್ರಾ ಅವರಿಂದ ಸಂಗೀತ ಸಂಜೆ ಕಾರ್ಯಕ್ರಮ ನಡೆಯಲಿದೆ. 

ಎಲ್ಲಿ?: ಡಾ.ಪ್ರೇಮಚಂದ್ರ ಸಾಗರ್ ಸಭಾಂಗಣ, ದಯಾನಂದ್ ಸಾಗರ್ ಕಾಲೇಜು, ಕುಮಾರ ಸ್ವಾಮಿ ಲೇ ಔಟ್

ಸಮಯ: ಸಂಜೆ 6. 30

ಈ ಸಂಗೀತ ರಸಸಂಜೆ ಕಾರ್ಯಕ್ರಮದಲ್ಲಿ ಚಿತ್ರಾ ಅವರು ಕನ್ನಡ, ಹಿಂದಿ ಸೇರಿದಂತೆ ಹಲವು ಭಾಷೆಗಳ ಜನಪ್ರಿಯ ಹಾಡುಗಳನ್ನು ಹಾಡಲಿದ್ದಾರೆ. ಸುನಿಲ್ ಕೋಶಿ, ರೂಪಾ, ನಿಶಾದ್ ಮೊದಲಾದ ಗಾಯಕರು ಕೂಡಾ ಈ ಕಾರ್ಯಕ್ರಮದಲ್ಲಿ ಸಂಗೀತ ರಸದೌತಣ ಬಡಿಸಲಿದ್ದಾರೆ.