ಮೈಸೂರು: ಕಲುಷಿತ ನೀರು ಕುಡಿದ ಪರಿಣಾಮ  40 ವರ್ಷ ವಯಸ್ಸಿನ ಆನೆಯೊಂದು ಸಾವನ್ನಪ್ಪಿರುವ ಘಟನೆ ಬಿಳಿಗಿರಿ ರಂಗನಾಥ ದೇವಾಲಯದ ವನ್ಯಜೀವಿ ಅಭಯಾರಣ್ಯದಲ್ಲಿ ನಡೆದಿದೆ.

ಬಾಯಾರಿಕೆ ತಣಿಸಿಕೊಳ್ಳಲು ಬಾಳೆಬರೇ ಟ್ಯಾಂಕ್ ನಲ್ಲಿದ್ದ ಕಲುಷಿತ ನೀರನ್ನು ಆನೆ ಕುಡಿದಿದೆ, ಪರಿಣಾಮ ಅಸ್ವಸ್ಥಗೊಂಡು ಟ್ಯಾಂಕ್ ಒಳಗೆ ಬಿದ್ದು ಸೋಮವಾರ ಸಾವನ್ನಪ್ಪಿದೆ. ಅರಣ್ಯ ಸಿಬ್ಬಂದಿ ಗಸ್ತು ತಿರುಗುತ್ತಿದ್ದ ವೇಳೆ ಆನೆ ಸಾವನ್ನಪ್ಪಿರುವುದು ಬೆಳಕಿಗೆ ಬಂದಿದೆ. ಕ್ರೇನ್ ಬಳಸಿ ಆನೆಯನ್ನು ಟ್ಯಾಂಕ್ ನಿಂದ ಮೇಲೆತ್ತಲಾಗಿದೆ.

ಕಲುಷಿತ ನೀರು ಕುಡಿದ ಪರಿಣಾಮ ಶ್ವಾಸಕೋಶ ಸೋಂಕಿನಿಂದಾಗಿ ಆನೆ ಸಾವನ್ನಪ್ಪಿದೆ ಎಂದು ಎಸಿಎಫ್ ನಾಗರಾಜ್ ತಿಳಿಸಿದ್ದಾರೆ. ಚೆಕ್ ಪೋಸ್ಟ್ ಬಳಿ ಜಿಂಕೆಯೊಂದು ಕೂಡ ಸಾವನ್ನಪ್ಪಿರುವುದು ತಿಳಿದು ಬಂದಿದೆ.