ಮೈಸೂರು: ಮೈಸೂರಿನ 124 ವರ್ಷ ಹಳೇಯದಾದ ಶ್ರೀ ಜಯಚಾಮರಾಜೇಂದ್ರ ಮೃಗಾಯಲಯವನ್ನು ಫೆಬ್ರವರಿ 3ರಂದು ಶುಕ್ರವಾರ ಮತ್ತೆ ಸಾರ್ವಜನಿಕ ವೀಕ್ಷಣೆಗೆ ತೆರೆಯಲಾಯಿತು. ಹಕ್ಕಿ ಜ್ವರದಿಂದ ಮೃಗಾಲಯದ ಪಕ್ಷಿಗಳು ಸಾವಿಗೀಡಾದ ಹಿನ್ನಲೆಯಲ್ಲಿ ಮೃಗಾಲಯವನ್ನು ಜನವರಿ 4ರಿಂದ ಸುಮಾರು ಒಂದು ತಿಂಗಳು ಮುಚ್ಚಲಾಗಿತ್ತು.

ಶುಕ್ರವಾರ ಬೆಳಿಗ್ಗೆ 8.30ಕ್ಕೆ ಮೃಗಾಲಯದ ಗೇಟ್ ಗಳನ್ನು ತೆರೆದಾಗ ನೂರಾರು ಪ್ರವಾಸಿಗರು ಭೇಟಿ ನೀಡಲಾರಂಭಿಸಿದರು. ಸುಮಾರು 4,500 ಜನ ನಿನ್ನ ಮೃಗಾಲಯಕ್ಕೆ ಭೇಟಿ ನೀಡಿದ್ದರು. ಇದಕ್ಕೂ ಮುಂಚೆ ಮೃಗಾಲಯ ಸಿಬ್ಬಂದಿಗಳು ದ್ವಾರದಲ್ಲಿ ಪೂಜೆ ಮಾಡಿ ಸಿಬ್ಬಂದಿ ಮತ್ತು ಪ್ರವಾಸಿಗರಿಗೆ ಸಿಹಿ ಹಂಚುವ ಮೂಲಕ ಸಂತಸ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಮೃಗಾಲಯದ ಕಾರ್ಯಕಾರಿ ನಿರ್ದೇಶಕರಾದ ಕೆ ಕಮಲಾ ಕರಿಕಾಳನ್ ಮಾತನಾಡಿ, ಮೃಗಾಲಯವು ಈಗ ಹಕ್ಕಿ ಜ್ವರದ ಭೀತಿಯಿಂದ ಮುಕ್ತವಾಗಿದೆ ಎಂದರು. ಕಳೆದ ಒಂದು ತಿಂಗಳಲ್ಲಿ ತೋಳ, ಜಿಂಕೆ ಮತ್ತು ಕಾಡು ನಾಯಿಗಳು ಮರಿಗಳಿಗೆ ಜನ್ಮ ನೀಡಿವೆ ಎಂದು ಅವರು ತಿಳಿಸಿದರು.