ತುಮಕೂರು: ಸಾಲಾಬಾಧೆಗೆ ಹೆದರಿದ ರೈತ ಕುಟುಂಬವೊಂದು ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಶಿರಾ ತಾಲೂಕಿನ ಬುಕಪಟ್ಟಣ ಹೋಬಳಿಯ ಹೊಸಬಿಜ್ಜನಬೆಲ್ಲ ಗ್ರಾಮದಲ್ಲಿ ನಡೆದಿದೆ. 

ಹೊಸಜಿಜ್ಜನಬೆಲ್ಲ ಗ್ರಾಮದ 44 ವರ್ಷದ ಸಿದ್ದಪ್ಪ, ಪತ್ನಿ ತಾಯಮ್ಮ ಹಾಗೂ ಪುತ್ರಿ ಉಮಾದೇವಿ ಮೂವರು ಹೊಸಬಿಜ್ಜನಬೆಲ್ಲದ ಹೊರವಲಯದಲ್ಲಿನ ಮರವೊಂದಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ. 

ಕೃಷಿಗಾಗಿ ಸಿದ್ದಪ್ಪ ಅವರು ವಿವಿಧ ಬ್ಯಾಂಕ್ ಗಳಿಂದ ಸುಮಾರು 5 ಲಕ್ಷ ರುಪಾಯಿ ಸಾಲ ತೆಗೆದುಕೊಂಡಿದ್ದರು ಎನ್ನಲಾಗಿದೆ. ತನ್ನ ಹತ್ತು ಎಕರೆ ಜಮೀನಿನಲ್ಲಿ ಶೇಂಗಾ ಮತ್ತು ರಾಗಿ ಕೃಷಿ ಮಾಡಿದ್ದರು. ಆದರೆ ತೀವ್ರ ಬರದಿಂದಾಗಿ ಬೆಳೆ ಸಂಪೂರ್ಣ ನಾಶವಾಗಿದ್ದು ಇದರಿಂದ ಮನನೊಂದ ಕುಟುಂಬ ಸಾಲ ಮರುಪಾವತಿಸುವ ದಾರಿ ಕಾಣದೆ ಆತ್ಮಹತ್ಯೆಗೆ ಮಾಡಿಕೊಂಡಿದ್ದಾರೆ.