ಬಿಬಿಎಂಪಿ ಬಜೆಟ್ 2017: ಬೆಂಗಳೂರಿನ ಕಸ ನಿರ್ವಹಣೆಗೆ 751 ಕೋಟಿ ಮೀಸಲು

ಸಿಲಿಕಾನ್ ಸಿಟಿ ಬೆಂಗಳೂರಿನ ಸಮಗ್ರ ಅಭಿವೃದ್ಧಿಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ(ಬಿಬಿಎಂಪಿ) 2017ರ...

Updated:25th Mar, 2017 at 1:11 AM

ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನ ಸಮಗ್ರ ಅಭಿವೃದ್ಧಿಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ(ಬಿಬಿಎಂಪಿ) 2017ರ ಬಜೆಟ್ ಮಂಡಿಸಿದೆ.

ತೆರಿಗೆ ಮತ್ತು ಆರ್ಥಿಕ ಸ್ಥಾಯಿ ಸಮಿತಿ ಅಧ್ಯಕ್ಷ ಎಂ.ಕೆ ಗುಣಶೇಖರ್ ಅವರು 9241 ಕೋಟಿ ರುಪಾಯಿ ಯೋಜನಾ ಗಾತ್ರವನ್ನು ಮಂಡಿಸಿದರು.

2017-18ರ ಬಿಬಿಎಂಪಿ ಆಯವ್ಯಯದ ಪ್ರಮುಖ ಅಂಶಗಳು

* ಉದ್ಯಾನನಗರಿಯ ಸ್ವಚ್ಛತೆಗೆ ಮೊದಲ ಆದ್ಯತೆ.

* ಮಾಹಿತಿ ತಂತ್ರಜ್ಞಾನ ಕ್ಷೇತ್ರಕ್ಕೆ ಹೆಚ್ಚು ಒತ್ತು.

* ಬೆಂಗಳೂರು ಕೆರೆಗಳ ಅಭಿವೃದ್ಧಿಗೆ 89.50 ಕೋಟಿ ರುಪಾಯಿ.

* 19 ಲಕ್ಷ ಮನೆಗಳಿಗೆ ಡಿಜಿಟಲ್ ಮನೆ ಸಂಖ್ಯೆ.

* ಜಾಹಿರಾತು ಮತ್ತು ತೆರಿಗೆಯಿಂದ ಬಂದ ಆದಾಯ 82.50 ಕೋಟಿ ರುಪಾಯಿ.

* ಲೆಕ್ಕಪತ್ರ ನಿರ್ವಹಣೆಗೆ ಇ-ಆಡಳಿತ

* ಬೆಂಗಳೂರಿನ ಕಸ ನಿರ್ವಹಣೆಗೆ 751 ಕೋಟಿ ಮೀಸಲು. 198 ವಾರ್ಡ್ ಗಳಲ್ಲಿಯೂ ಚಿಂದಿ ಆಯುವವರ ನೇಮಕ. ಕಂಡ ಕಂಡಲ್ಲಿ ಕಸ ಸುರಿಯೋದನ್ನು ತಪ್ಪಿಸಲು ಮಾರ್ಷಲ್ ಗಳ ನೇಮಕ

* ಎಲ್ಲಾ ವಾರ್ಡ್ ಗಳಲ್ಲಿ ಕಾಂಪೋಸ್ಟ್ ಸಂತೆ ನಡೆಸಲು ನಿರ್ಧಾರ

* ಪ್ರತಿ ಮನೆಗೆ 2 ಕಸದ ಬುಟ್ಟಿ, 1 ಚೀಲ ವಿತರಿಸಲು 5 ಕೋಟಿ ಮೀಸಲು.

* ಪ್ರತಿ ವಾರ್ಡ್ ಗೆ 50 ಬೈಸಿಕಲ್ ವಿತರಿಸಲು 4 ಕೋಟಿ ಮೀಸಲು

* ಚರಂಡಿಗಳ ಅಭಿವೃದ್ಧಿಗೆ 300 ಕೋಟಿ ಮೀಸಲು

* ಸಂಚಾರಿ ಆರೋಗ್ಯ ಘಟಕಕ್ಕೆ 3 ಕೋಟಿ.

* ನಗರದ 3 ಕಡೆ ಸೂಪರ್ ಸ್ಪೆಶಾಲಿಟಿ ಆಸ್ಪತ್ರೆ.