ಬೆಂಗಳೂರು: ಸದ್ಯದಲ್ಲಿಯೇ ರಾಜ್ಯದ ಆಸ್ಪತ್ರೆಗಳಲ್ಲಿ ಸಾವಿನ ವೈದ್ಯಕೀಯ ಇ-ದಾಖಲೆ 

ಬೆಂಗಳೂರು: ಮುಂದಿನ ಎರಡು-ಮೂರು ತಿಂಗಳಲ್ಲಿ ರಾಜ್ಯದಲ್ಲಿನ ಎಲ್ಲಾ ಆಸ್ಪತ್ರೆಗಳಲ್ಲಿ ಸಾವಿನ ವೈದ್ಯಕೀಯ ದಾಖಲೆಗಳಿಗೆ ಸಹಾಯ ಮಾಡುವ ಇ-ಮೊರ್ಟಾಲಿಟಿ ಸಾಫ್ಟ್ ವೇರ್ ಜಾರಿಗೆ ಬರಲಿದೆ.

ರಾಷ್ಟ್ರೀಯ ಕಾಯಿಲೆ ಮಾಹಿತಿಗಳ ಕೇಂದ್ರ(ಎನ್ ಸಿಡಿಐ) ಈ ಸಾಫ್ಟ್ ವೇರ್ ನ್ನು ಅಭಿವೃದ್ಧಿಪಡಿಸಿದ್ದು, ಅದರ ಕೇಂದ್ರ ಕಚೇರಿ ಬೆಂಗಳೂರಿನಲ್ಲಿದೆ. ವ್ಯಕ್ತಿಯ ಸಾವಿಗೆ ಕೂಡ ಕಾರಣವನ್ನು ದಾಖಲೆಯಲ್ಲಿ ಗುರುತಿಸುತ್ತದೆ. ಈ ಸಾಫ್ಟ್ ವೇರ್ ನ ಪ್ರಾಯೋಗಿಕ ಪರೀಕ್ಷೆ ಕಿದ್ವಾಯಿ ಗ್ರಂಥಿಶಾಸ್ತ್ರ ಸ್ಮಾರಕ ಸಂಸ್ಥೆ ಮತ್ತು ವೈದೇಹಿ ಆಸ್ಪತ್ರೆ ನಡೆಸಿದೆ.

ಸಾಫ್ಟ್ ವೇರ್ ನಲ್ಲಿ ದಾಖಲೆಗಳ ಸೇರ್ಪಡೆ, ಅಂತರ್ನಿರ್ಮಿತ ಗುಣಮಟ್ಟದ ಪರೀಕ್ಷೆ, ಹುಡುಕಾಟ ಮತ್ತು ರಫ್ತು ವೈಶಿಷ್ಟ್ಯಗಳನ್ನು ಹೊಂದಿರುತ್ತದೆ. ಆಸ್ಪತ್ರೆಗಳು ಈ ಉಚಿತ ಸಾಫ್ಟ್ ವೇರನ್ನು ತರಬೇತಿಯ ಉಪಕರಣವಾಗಿ, ಗ್ರಾಹಕೀಕರಣವಾಗಿ ಕೂಡ ಬಳಸಬಹುದು.

ಎನ್ ಸಿಡಿಐಯ ನಿರ್ದೇಶಕ ಡಾ. ಪ್ರಶಾಂತ್ ಮಾಥುರ್ ಈ ಬಗ್ಗೆ ಮಾಹಿತಿ ನೀಡಿ, ಯೋಜನೆ, ಸಾಂಖ್ಯಿಕ ಮತ್ತು ಕಾರ್ಯಕ್ರಮ ಇಲಾಖೆ ಜೊತೆ ನಾವು ಮಾತುಕತೆ ನಡೆಸುತ್ತಿದ್ದೇವೆ. ಇದು ಆರೋಗ್ಯ ಇಲಾಖೆಯಡಿ ಬರುವುದಿಲ್ಲ. ಕೇವಲ ಕ್ಯಾನ್ಸರ್ ಗೆ ಮಾತ್ರವಲ್ಲದೆ ನಾವು ಪ್ರತಿ ಕಾಯಿಲೆಗಳಿಗೆ ಕೂಡ ಇ-ಮೊರ್ಟಾಲಿಟಿಯನ್ನು ಬಳಸಲು ಪ್ರಯತ್ನಿಸುತ್ತೇವೆ ಎಂದರು.