ಕಲಬುರಗಿ: ಪತಿ ಬಸವರಾಜು ಕುಡಿತಕ್ಕೆ ದಾಸನಾಗಿದ್ದರಿಂದ ಬೇಸತ್ತ ಪತ್ನಿ ಮೂವರು ಮಕ್ಕಳೊಂದಿಗೆ ಆತ್ಮಹತ್ಯೆಗೆ ಶರಣಾಗಿರುವ ದಾರುಣ ಘಟನೆ ಫರಹತಾಬಾದ್ ನಲ್ಲಿ ನಡೆದಿದೆ.
40 ವರ್ಷದ ಜಯಶ್ರೀ ಅವರು ಪತಿಯ ಕುಡಿತಕ್ಕೆ ದಾಸನಾಗಿದ್ದರಿಂದ ಬೇಸತ್ತು ಮಕ್ಕಳಾದ 12 ವರ್ಷದ ಪವಿತ್ರ, 10 ವರ್ಷದ ಸುನೀಲ್ ಹಾಗೂ 5 ವರ್ಷದ ಅನಿಲ್ ಅವರೊಂದಿಗೆ ಬಾವಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಸದ್ಯ ಪೊಲೀಸರು ಸ್ಥಳೀಯರ ಸಹಾಯದೊಂದಿಗೆ ಜಯಶ್ರೀ ಅವರ ಮೃತದೇಹವನ್ನು ಮೇಲಕ್ಕೆ ಎತ್ತಿದ್ದು ಮಕ್ಕಳ ಮೃತದೇಹಕ್ಕಾಗಿ ಶೋಧ ಕಾರ್ಯ ಮುಂದುವರೆಸಿದ್ದಾರೆ. ಪ್ರಕರಣ ಪರಹತಾಬಾದ್ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.