ಬೆಂಗಳೂರು: ಸೆಪ್ಟೆಂಬರ್ ತಿಂಗಳಲ್ಲಿ ಬೆಂಗಳೂರಿನಲ್ಲಿ ಧಾರಾಕಾರ ಮಳೆ ಸುರಿದಿದ್ದು 12 ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ಸೆಪ್ಟೆಂಬರ್ ತಿಂಗಳಲ್ಲಿ ದಾಖಲೆ ಪ್ರಮಾಣದ ಮಳೆಯಾಗಿದೆ. 

1986 ರ ಸೆಪ್ಟೆಂಬರ್ ನಲ್ಲಿ 516.6 ಮಿಲೀಮೀಟರ್ ಮಳೆಯಾಗಿತ್ತು. ಆ ಬಳಿಕ 2005 ರಲ್ಲಿ ಅತಿ ಹೆಚ್ಚು ಮಳೆಯಾಗಿತ್ತು, ನಂತರ 2013 ರಲ್ಲಿ 352.6 ಮಿಲೀ ಮೀಟರ್ ಮಳೆಯನ್ನು ಹೊರತುಪಡಿಸಿದರೆ ಈಗ 2017 ರ ಸೆಪ್ಟೆಂಬರ್ ತಿಂಗಳಲ್ಲಿ 354.28 ಮಿಲೀಮೀಟರ್ ಮಳೆಯಾಗಿದೆ ಎಂದು ಹವಾಮಾನ ಇಲಾಖೆ ವರದಿ ಮೂಲಕ ತಿಳಿದುಬಂದಿದೆ. 

ನಗರದ ಕೆಲವು ಪ್ರದೇಶಗಳಲ್ಲಿ 35.5 ಮಿ.ಮೀ ಮಳೆಯಾಗಿದ್ದರೆ ಕೆಲವು ಪ್ರದೇಶಗಳಲ್ಲಿ 640.5 ಮಿ.ಮೀ ಮಳೆಯಾಗಿದೆ. ದಕ್ಷಿಣ ಹಾಗೂ ಪೂರ್ವ ಬೆಂಗಳೂರಿನಲ್ಲಿ ಸೆಪ್ಟೆಂಬರ್ ತಿಂಗಳಲ್ಲಿ ಸುರಿದಿರುವ ಮಳೆಯ ಪ್ರಮಾಣ 516.6 ಮಿಮೀ ನಷ್ಟಾಗಿದೆ. 

ಸೆ.27 ರಂದೂ ಸಹ ಮಳೆಯಾಗಲಿದ್ದು ಎಂದಿಗಿಂತ 100 ಮಿಮೀ ನಷ್ಟು ಹೆಚ್ಚಿನ ಮಳೆ ಬರಲಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.