ಬೆಂಗಳೂರು:ಮಹಾಮಳೆ ಹಾಗೂ ಭೂ ಕುಸಿತದಿಂದ ಜರ್ಝರಿತಗೊಂಡಿರುವ ಕೊಡಗು  ಮರುನಿರ್ಮಾಣಕ್ಕೆ ಹಲವು ತಿಂಗಳುಗಳೇ ಬೇಕಾಗುತ್ತದೆ.

ಪ್ರವಾಹ ಹಾಗೂ ಭೂ ಕುಸಿತದಿಂದಾಗಿ ಕೊಡಗು ಜಿಲ್ಲೆಯಲ್ಲಿ  2.500 ಕೋಟಿ ಡಾಲರ್ ನಷ್ಟು  ನಷ್ಟ ಉಂಟಾಗಿದೆ ಎಂದು ಸರ್ಕಾರದ  ಆರಂಭಿಕ ಮೌಲ್ಯಮಾಪನದಿಂದ ತಿಳಿದುಬಂದಿದೆ. ಭೂ ಕುಸಿತದಿಂದಾಗಿ 16 ಜನರು ಸಾವನ್ನಪ್ಪಿದ್ದು,  2, 200 ಮನೆಗಳು, ರಸ್ತೆಗಳು, ಹಾಗೂ ಬೃಹತ್ ಪ್ರಮಾಣದ ಬೆಳೆ ನಷ್ಟ ಉಂಟಾಗಿದೆ.

 ಜಿಲ್ಲಾ ಉಸ್ತುವಾರಿ ಸಚಿವ ಸಾರಾ ಮಹೇಶ್ ಕೊಡಗಿನಲ್ಲಿಯೇ ಇದ್ದು, ಪರಿಹಾರ ಮತ್ತು ಪುನರ್ವಸತಿಯ ಮೇಲ್ತುಸುವರಿ ನಡೆಸುತ್ತಿದ್ದು,  ಕೊಡಗಿನ ಮರು ನಿರ್ಮಾಣಕ್ಕೆ ಕೇಂದ್ರಸರ್ಕಾರದಿಂದ 2 ಸಾವಿರ ಕೋಟಿ ಡಾಲರ್  ನೆರವು ಪಡೆಯುವ ಉದ್ದೇಶ ಹೊಂದಲಾಗಿದೆ ಎಂದು ತಿಳಿಸಿದರು.

 ಮನೆಗಳು, ರಾಷ್ಟ್ರೀಯ ಹೆದ್ದಾರಿ  ಮತ್ತಿತರ ಹಾಳಾಗಿರುವ ರಸ್ತೆಗಳ ಮೌಲ್ಯ 1 ಸಾವಿರ ಕೋಟಿ ಡಾಲರ್ ಆಗಿದ್ದು,  ಬೆಳೆ ನಷ್ಟ ಮತ್ತಿತರ ಎಲ್ಲಾ ಅಂಶಗಳು ಸೇರಿದಂತೆ 2 ಸಾವಿರದ 500 ಕೋಟಿ ಡಾಲರ್ ಎಂದು ಅಂದಾಜಿಸಲಾಗಿದ್ದು, ಸಮಗ್ರ ವರದಿಯನ್ನು ರಾಜ್ಯಸರ್ಕಾರಕ್ಕೆ ಸಲ್ಲಿಸಲಾಗಿದೆ ಎಂದು ಹೇಳಿದರು.