ತುಮಕೂರು: ಚಿರತೆಯೊಂದು ಆಕಸ್ಮಿಕವಾಗಿ ಮನೆಯೊಳಗೆ ನುಗ್ಗಿದ ಪರಿಣಾಮ ಮನೆಯವರು ಆತಂಕಕ್ಕೊಳಗಾಗಿರುವ ಘಟನೆ ತುಮಕೂರಿನ ಜಯನಗರದಲ್ಲಿ ನಡೆದಿದೆ.

ಜಯನಗರ ಪೂರ್ವ 1ನೇ ಕ್ರಾಸ್‌ನಲ್ಲಿರುವ ರಂಗನಾಥ್ ಎನ್ನುವವರ ಮನೆಗೆ ಚಿರತೆ ನುಗ್ಗಿದ್ದು ಮನೆಯವರನ್ನು ಆತಂಕೆಕ್ಕೆ ತಳ್ಳಿತ್ತು. ಚಿರತೆ ನುಗ್ಗಿದ್ದ ಕಾರಣ ರಂಗನಾಥ್ ಪತ್ನಿ ವನಜಾಕ್ಷಿ ಹಾಗೂ ಸೊಸೆ ವಿನುತಾ ಬಾತ್ ರೋಮಿನಲ್ಲಿ ಸೇರಿ ಪ್ರಾಣ ಉಳಿಸಿಕೊಂಡರು. ಇದಕ್ಕೂಮುನ್ನ ಚಿರತೆ ಬನಶಂಕರಿ ವಾಚರ್ ಮಾಲೀಕರಾದ ಗೋವಿಂದ್​ ರಾಜು ಎನ್ನುವವರ ಮೇಲೆ೪ಯೂ ಚಿರತೆ ದಾಳಿ ನಡೆಸಿತ್ತು. ಅದೃಷ್ಟವಶಾತ್ ಗೋವಿಂದ್​ ರಾಜು ಸಣ್ಣ ಪುಟ್ಟ ಗಾಯದೊಂದಿಗೆ ಅಪಾಯದಿಂದ ಪಾರಾಗಿದ್ದರು.

ತುಮಕೂರು ನಗರಕ್ಕೆ ಚಿರತೆ ಬಂದಿದ್ದನ್ನು ತಿಳಿದ ಅರಣ್ಯ ಇಲಾಖೆ ಸಿಬ್ಬಂದಿ ಧಾವಿಸಿ ಬಂದಿದ್ದು ಇದೀಗ ಹಾಸನದಿಂಡ  ಅರಿವಳಿಕೆ ತಜ್ಞ ಡಾ.ಮುರಳೀಧರ್ ಮತ್ತು ತಂಡ ಆಗಮಿಸುವ ನಿರೀಕ್ಷೆ ಇದೆ.