ಬೆಂಗಳೂರು: ಫೇಸ್ ಬುಕ್ ನಲ್ಲಿ ತಮಗೆ ಅಶ್ಲೀಲ ಮೆಸೇಜ್ ಕಳುಹಿಸಿ ಕಿರುಕುಳ ನೀಡಲಾಗುತ್ತಿದೆ ಎಂದು ಆರೋಪಿಸಿ ವ್ಯಕ್ತಿಯೋರ್ವನ ವಿರುದ್ಧ ದೂರು ನೀಡಲು ಹಿರಿಯ ಪತ್ರಕರ್ತ ರವಿ ಬೆಳಗೆರೆ ಪುತ್ರಿ ಭಾವನಾ ಬೆಳಗೆರೆ ಮುಂದಾಗಿದ್ದಾರೆ.

ಈ ಬಗ್ಗೆ ಸ್ವತಃ ಭಾವನಾ ಬೆಳಗೆರೆ ಅವರು ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದು, ಪ್ರದೀಪ್​ ಕುಮಾರ್​ ಪಾಯಲ್​ ಎಂಬ ಖಾತೆಯಿಂದ ಸಾಕಷ್ಟು ಹಿಂದೆಯೇ ಅಶ್ಲೀಲ ಸಂದೇಶಗಳು, ಚಿತ್ರಗಳು ಬರುತ್ತಿವೆ. ನಾನು ಬೇರೆ ಬೇರೆ ಕೆಲಸಗಳಲ್ಲಿ ನಿರತಳಾಗಿದ್ದರಿಂದ ಪೇಸ್ ಬುಕ್ ಮೆಸೆಂಜರ್​ನನ್ನು ಅಷ್ಟಾಗಿ ಗಮನಿಸುತ್ತಿರಲಿಲ್ಲ. ಆದರೆ ಆ ವ್ಯಕ್ತಿಯಿಂದ ನನಗೆ ವಿಡಿಯೋ ಕರೆಗಳು ಬಂದ ನಂತರ ಈ ವಿಷಯ ನನಗೆ ತಿಳಿಯಿತು ಎಂದು ಭಾವನಾ ಬೆಳಗೆರೆ ಹೇಳಿದ್ದಾರೆ. 

ಅಲ್ಲದೆ ಈ ಬಗ್ಗೆ ಸೈಬರ್​ ಕ್ರೈಂಗೆ ದೂರು ನೀಡಲು ಭಾವನಾ ಮುಂದಾಗಿದ್ದು, ನಾಳೆ ಬೆಳಗ್ಗೆ ಸೈಬರ್ ಕ್ರೈ ಪೊಲೀಸರಿಗೆ ದೂರು ನೀಡುವುದಾಗಿ ಭಾವನಾ ಹೇಳಿದ್ದಾರೆ. 

"ಸಾಮಾಜಿಕವಾಗಿ ಆಕ್ಟಿವ್​ ಇರಬೇಕಾದ್ದರಿಂದ ಅವನು ಯಾರೂ ಎಂಬುದು ಗೊತ್ತಿಲ್ಲದಿದ್ದರೂ ಅವನ ಫ್ರೆಂಡ್​ ರಿಕ್ವೆಸ್ಟ್​ ಒಪ್ಪಿಕೊಂಡಿದ್ದೆ. ಅಕೌಂಟ್​ ಬ್ಲಾಕ್​ ಮಾಡಬಹುದು ಆದರೆ, ಅವನಿಗೆ ತಕ್ಕ ಪಾಠ ಕಲಿಸಬೇಕು ಹಾಗಾಗಿ ಪೊಲೀಸರಿಗೆ ದೂರು ನೀಡಲು ನಿರ್ಧರಿಸಿದ್ದೇನೆ ಎಂದು ಭಾವನಾ ಫೇಸ್ ಬುಕ್ ನಲ್ಲಿ ಹೇಳಿದ್ದಾರೆ.