ಮಂಗಳೂರು: ಮಂಗಳೂರು ಹಾಗೂ ಪುತ್ತೂರಿನ ಮಹಿಳಾ ಪೊಲೀಸ್ ಠಾಣೆಗಳಲ್ಲಿ ಕೋಣೆಗಳೇ ಇಲ್ಲದ ಕಾರಣ ಮಹಿಳಾ ಪೊಲೀಸರು ಸಂಕಷ್ಟಗಳನ್ನು ಅನುಭವಿಸುತ್ತಿದ್ದಾರೆ. 

ಠಾಣೆಯಲ್ಲಿ ಕೋಣೆಗಳಿಲ್ಲದ ಕಾರಣ ಬಂಧಿತ ಆರೋಪಿಗಳು ತಪ್ಪಿಸಿಕೊಳ್ಳುವ ಸಂದರ್ಭಗಳು ಎದುರಾಗುತ್ತಿದ್ದು, ಈ ವೇಳೆ ಆರೋಪಿಗಳನ್ನು ಹಿಡಿಯುವಾಗ ಪೊಲೀಸರು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. 

ಮಂಗಳೂರಿನಲ್ಲಿರುವ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಒಟ್ಟು ಮೂರು ಕೊಠಡಿಗಳಿದ್ದು, ಇದರಲ್ಲಿ ಒಂದು ಕೊಠಡಿ ಸಂದರ್ಶನಕಾರರಿಗೆ ಹಾಗೂ ಸಿಬ್ಬಂದಿಗಳಿಗೆ, ಮತ್ತೊಂದು ದಾಖಲಾತಿಗಳನ್ನು ಇಡಲು ಮೀಸಲಿಡಲಾಗಿದೆ. 

ಇನ್ನು ಪೂತ್ತೂರಿನಲ್ಲಿರುವ ಠಾಣೆಯಲ್ಲಿ ಒಟ್ಟು 2 ಕೋಣೆಗಲಿದ್ದು, ಇದರಲ್ಲಿ ಒಂದು ಕೊಠಡಿಯನ್ನು ಸಿಬ್ಬಂದಿಗಳು ಬಳಕೆ ಮಾಡುತ್ತಿದ್ದರೆ, ಮತ್ತೊಂದನ್ನು ಸಂದರ್ಶನಕಾರರಿಗೆ ಮೀಸಲಿಡಲಾಗಿದೆ.

ಒಟ್ಟು 87 ಪ್ರಕರಣಗಳಿದ್ದು 87 ಪ್ರಕರಣಗಳನ್ನು ಎರಡು ಠಾಣೆಗಳು ನೋಡಿಕೊಳ್ಳುತ್ತಿವೆ. ಲೈಂಗಿಕ ಕಿರುಕುಳ, ಲೈಂಗಿಕ ದೌರ್ಜನ್ಯ, ಅತ್ಯಾಚಾರ, ಅಪಹರಣ ಹಾಗೂ ವರದಕ್ಷಿಣೆ ಕಿರುಕುಳ ಪ್ರಕರಣಗಳನ್ನು ಈ ಠಾಣೆಗಳು ನೋಡಿಕೊಳ್ಳುತ್ತಿವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. 

ಪ್ರಕರಣಗಳ ಸಂಖ್ಯೆ ಹೆಚ್ಚೇನು ಇಲ್ಲ. ಹೆಚ್ಚೆಚ್ಚು ಆರೋಪಿಗಳನ್ನು ಇರಿಸಿಕೊಳ್ಳಲು ಇಲ್ಲಿ ಸೂಕ್ತ ವ್ಯವಸ್ಥೆಗಳೂ ಇಲ್ಲ. 10ಕ್ಕೂ ಹೆಚ್ಚು ಜನರನ್ನು ಇರಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ ಎಂದು ತಿಳಿಸಿದ್ದಾರೆ.