ಮೈಸೂರು: ವಿಶ್ವ ವಿಖ್ಯಾತ ನಾಡ ಹಬ್ಬ ಮೈಸೂರು ದಸರಾ ಮಹೋತ್ಸವದ ಅಂಗವಾಗಿ ಆಯೋಜಿಸಲಾಗಿದ್ದ ರಾಗಿ ಮುದ್ದೆ ನಾಟಿ ಕೋಳಿ ತಿನ್ನೋ ಸ್ಪರ್ಧೆಯಲ್ಲಿ ಹಿರಿಯರನ್ನೇ ಹಿಮ್ಮೆಟ್ಟಿಸಿ ಯುವಕನೊಬ್ಬ ಬೇಗನೆ ತಿಂದು ವಿಜೇತನಾಗಿದ್ದಾನೆ.
ಮೈಸೂರಿನಲ್ಲಿನ ಸ್ಕೌಟ್ಸ್ ಅಂಡ್ ಗೈಡ್ಸ್ ಮೈದಾನದಲ್ಲಿ ನಡೆದ ರಾಗಿ ಮುದ್ದೆ ತಿನ್ನೋ ಸ್ಪರ್ಧೆಯಲ್ಲಿ ಪ್ರತಿಯೊಬ್ಬ ಸ್ಪರ್ಧಿಗೂ ಮೂರು ರಾಗಿ ಮುದ್ದೆ ಹಾಗೂ ಮೂರು ಮಾಂಸದ ಪೀಸ್ ಗಳನ್ನು ನೀಡಲಾಗಿತ್ತು.
ಇದರಲ್ಲಿ ಶ್ರೀರಂಗಪಟ್ಟಣದ ಕೌಶಿಕ್ ಮೂರೇ ನಿಮಿಷದಲ್ಲಿ ಮೂರು ರಾಗಿ ಮುದ್ದೆ ನಾಟಿ ಕೋಳಿ ತಿನ್ನೋ ಮೂಲಕ ಮೊದಲ ಸ್ಥಾನ ಪಡೆದಿದ್ದಾರೆ. ಇನ್ನು ಮೂರುವರೆ ನಿಮಿಷದಲ್ಲಿ ತಿನ್ನೋ ಮೂಲಕ ಮೈಸೂರಿನ ಶಿವಾನಂದ್ ಎರಡನೇ ಸ್ಥಾನ ಪಡೆದರು.