ಮೈಸೂರು: ದ್ವಿಚಕ್ರವಾಹನದಲ್ಲಿ ಕುಟುಂಬದೊಡನೆ ತೆರಳುತ್ತಿದ್ದ ವೇಳೆ ಬೀದಿ ನಾಯಿಯನ್ನು ತಪ್ಪಿಸಲು ಹೋಗಿ ಅಪಘಾತವಾಗಿದ್ದು ನಾಲ್ಕು ವರ್ಷದ ಬಾಲಕ ಸಾವನ್ನಪ್ಪಿರುವ ಘಟನೆ ಮೈಸೂರು-ನಂಜನಗೂಡು ರಸ್ತೆಯ ಮಂಡಕಳ್ಳಿ ಸಮೀಪ ನಡೆದಿದೆ. 

ದ್ವಿಚಕ್ರ ವಾಹನ ಚಲಾಯಿಸುತ್ತಿದ್ದ ವೇಳೆ ನಡು ರಸ್ತೆಯಲ್ಲಿ ಸಿಕ್ಕ ನಾಯಿಯನ್ನು ತಪ್ಪಿಸಲು ಹೋದಾಗ ಬೈಕ್ ಸ್ಕಿಡ್ ಆಗಿ ಅಪಘಾತವಾಗಿದೆ. ಈ ವೇಳೆ ಧವನ್  ಎಂಬ ಬಾಲಕ ಸಾವನ್ನಪ್ಪಿದ್ದರೆ  ಆತನ ಪೋಷಕರಾದ  ಪವಿತ್ರ ಮತ್ತು ರವಿಕುಮಾರ್.ಗಾಯಗೊಂಡಿದ್ದಾರೆ. ಇವರು ಮೈಸೂರಿನ ಕೆಜಿ ಕೊಪ್ಪಳ್ ನಿವಾಸಿಗಳಾಗಿದ್ದರು ಎಂದು ಪೋಲೀಸರು ಹೇಳಿದ್ದಾರೆ.

ರವಿಕುಮಾರ್ ಕುಟುಂಬ ನಂಜನಗೂಡಿನತ್ತ ಪ್ರಯಾಣಿಸುತ್ತಿರುವ ವೇಳೆ ಈ ಅವಘಡ ಸಂಭವಿಸಿದೆ.ಅಪಘಾತವಾದ ತಕ್ಷಣ ಸಾರ್ವಜನಿಕರು ಗಾಯಾಳುಗಳಾಗಿದ್ದ ಮೂವರನ್ನೂ ಆಸ್ಪತ್ರೆಗೆ ದಾಖಲಿಸಿದ್ದಾರೆ.ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಬಾಲಕ ಧವನ್ ಸಾವನ್ನಪ್ಪಿದ್ದಾನೆ.

ರವಿಕುಮಾರ್ ಅವರ ಅಜಾಗರೂಕತೆಯೇ ಘಟನೆಗೆ ಕಾರಣವೆಂದು ಪೋಲೀಸರು ಹೇಳಿದ್ದು ಈ ಬಗ್ಗೆ ದೂರು ದಾಖಲಾಗಿದೆ.

ಜಿಲ್ಲೆಯಲ್ಲಿ ಒಂದೇ ವಾರದಲ್ಲಿ ಇಂತಹಾ ದುರ್ಘಟನೆ ನಡೆಯುತ್ತಿರುವುದು ಇದು ಎಅರಡನೇ ಬಾರಿಯಾಗಿದೆ. ಹುಣಸೂರು ತಾಲೂಕಿನ ಸಮೀಪ ನಾಲ್ಕು ದಿನಗಳಿಗೆ ಮುನ್ನ ಕುಟುಂಬ ಸಮೇತ ಜಾತ್ರೆಗೆ ತೆರಳುತ್ತಿದ್ದಾಗ ಸಹ ದ್ವಿಚಕ್ರ ವಾಹನ ಅಪಘಾತವಾಗಿ ಆರು ತಿಂಗಳ ಮಗು ಇದೇ ರೀತಿ ಸಾವನ್ನಪ್ಪಿದೆ.