ಜೈಪುರ್: ಪಾಕಿಸ್ತಾನದ ಎಫ್-16 ಯುದ್ಧ ವಿಮಾನವನ್ನು ಹೊಡೆದುರುಳಿಸಿ ಶೌರ್ಯ ಪ್ರದರ್ಶಿಸಿದ್ದ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರಿಗೆ ಗೌರವಾರ್ಥ ತಮಗೆ ಜನಿಸಿದ ಹೆಣ್ಣು ಮಗುವಿಗೆ  ಕರ್ನಾಟಕದ ದಂಪತಿ ಅಭಿನಂದನಾ ಎಂದು ನಾಮಕರಣ ಮಾಡಿದ್ದಾರೆ.

ಅಭಿನಂದನ್ ಅವರ ಬಗ್ಗೆ ದೇಶಾದ್ಯಂತ ಮೆಚ್ಚುಗೆಯ ಮಹಪೂರವೇ ಹರಿದು ಬರ್ತಿದೆ . ಅಲ್ಲದೇ ವಿಭಿನ್ನ ರೀತಿಯಲ್ಲಿ ಅಭಿನಂದನ್​ ಶೌರ್ಯವನ್ನು ಜನರು ಸ್ಮರಿಸುತ್ತಿದ್ದಾರೆ. ಇತ್ತ ಕರ್ನಾಟಕದ ಬಾಗಲಕೋಟೆಯ ಇಳಕಲ್ ಪಟ್ಟಣದಲ್ಲಿರುವ ಅರವಿಂದ ಜಮಖಂಡಿ ಮತ್ತು ಪೂರ್ಣಿಮಾ ದಂಪತಿ ತಮ್ಮ ಹೆಣ್ಣು ಮಗುವಿಗೆ ಅಭಿನಂದನಾ ಎಂದು ಹೆಸರಿಡುವ ಮೂಲಕ ವಿಂಗ್ ಕಮಾಂಡರ್ ಗೆ ಗೌರವ ಸಲ್ಲಿಸಿದ್ದಾರೆ.

ಅರವಿಂದ್ ಹಾಗೂ ಪೂರ್ಣಿಮಾ ದಂಪತಿಗೆ ಫೆಬ್ರವರಿ 11ರಂದೇ ಹೆಣ್ಣು ಮಗು ಜನಿಸಿತ್ತು. ಆದರೆ ಮಗುವಿಗೆ ನಾಮಕರಣ ಮಾಡಿರಲಿಲ್ಲ. ಆದರೆ ಇದೀಗ ಇಡೀ ದೇಶವೇ ಹೆಮ್ಮೆ ಪಡುವಂತಹ ಯೋಧನಾಗಿ ಅಭಿನಂದನ್ ಹೊರಹೊಮ್ಮಿದ್ದು ಈ ಹಿನ್ನೆಲೆಯಲ್ಲಿ ತಮ್ಮ ಮಗುವಿಗೆ ಅವರ ಹೆಸರನ್ನಿಟ್ಟಿದೆ.