ಬೆಂಗಳೂರು: ಐಷಾರಾಮಿ ಕಾರು ಟೆಸ್ಟ್ ಡೈವ್‌ ಮಾಡುತ್ತಿದ್ದ ವೇಳೆ ಅಪಘಾತಕ್ಕೀಡಾಗಿದ್ದು, ಘಟನೆಯಲ್ಲಿ ಓರ್ವ ಮೃತಪಟ್ಟಿದ್ದಾರೆ ಮತ್ತು ಮಗು ಸೇರಿದಂತೆ ಮೂವರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಮಂಗಳವಾರ ನಡೆದಿದೆ.
ಇಂದು ಮಧ್ಯಾಹ್ನ ನಾಯಂಡಹಳ್ಳಿಯ ನೈಸ್‌ ರಸ್ತೆ ಟೋಲ್‌ ಬಳಿ ಈ ಅಪಘಾತ ಸಂಭವಿಸಿದ್ದು, ಗೌತಮ್ ಎನ್ನುವವರು ಟೆಸ್ಟ್ ಡ್ರೈವ್‌ಗೆಂದು ಬಂದಿದ್ದು, ಅವರೊಂದಿಗೆ ಅಣ್ಣ, ಅತ್ತಿಗೆ ಮತ್ತು ಮಗು ಬಂದಿದ್ದರು.
ಕಾರು ಟೆಸ್ಟ್ ಡ್ರೈವ್‌ ಮಾಡುತ್ತಿದ್ದ ವೇಳೆ ಕಂದಕಕ್ಕೆ ಬಿದ್ದಿದ್ದು, ಗೌತಮ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಗೌತಮ್ ಸಹೋದರ, ಅತ್ತಿಗೆ ಮತ್ತು ಮಗು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಕಾರಿನಲ್ಲಿದ್ದ ಕಂಪೆನಿಯ ಸಿಬ್ಬಂದಿ ಕಾರಿನಿಂದ ಹಾರಿ ಪ್ರಾಣಪಾಯಾದಿಂದ ಪಾರಾಗಿದ್ದಾರೆ.
ಈ ಸಂಬಂಧ ಬ್ಯಾಟರಾಯನಪುರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.