ಬೆಂಗಳೂರು: ಲಾಕ್ ಡೌನ್ ಹಿನ್ನೆಲೆಯಲ್ಲಿ ಸ್ಥಗಿತಗೊಂಡಿದ ಹೈಕೋರ್ಟ್ ನಲ್ಲಿ ಮೇ 13ರಿಂದ ಮೂರು ದಿನಗಳ ಕಾಲ ಕಕ್ಷಿದಾರರು, ವಕೀಲರು ಖುದ್ದು ಹಾಜರಾಗಿ ಅರ್ಜಿಗಳನ್ನು ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. 

ಮೇ 13, 14 ಹಾಗೂ 15ರಂದು ಪ್ರಾಯೋಗಿಕವಾಗಿ ಈ ಅವಕಾಶ ಒದಗಿಸಲಾಗಿದೆ. ವಕೀಲರು, ಸಾರ್ವಜನಿಕರು ಮತ್ತು ಕ್ಲರ್ಕ್ ಗಳು ಖುದ್ದು ಹಾಜರಾಗಿ ಅರ್ಜಿಗಳನ್ನು ಸಲ್ಲಿಸಬಹುದಾಗಿದೆ. ನಂತರ ಇಮೇಲ್ ಮೂಲಕ ವಿಚಾರಣೆಯ ವಿವರ ಪಡೆಯಬಹುದಾಗಿದೆ ಎಂದು ಹೈಕೋರ್ಟ್ ರಿಜಿಸ್ಟ್ರಾರ್ ಮಾಹಿತಿ ನೀಡಿದ್ದಾರೆ. 

ಆದರೆ, ಈ ಸಮಯದಲ್ಲಿ ಜನರು ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವ ಜೊತೆಗೆ, ಇತರ ಲಾಕ್ ಡೌನ್ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ಸ್ಪಷ್ಟಪಡಿಸಲಾಗಿದೆ.